share
  • facebook
  • twitter
  • linkedin
  • whatsapp

Tarixçəmiz

1994

Bu gün Veysəloğlu Şirkətlər Qrupu 20 mindən çox əməkdaş sayı ilə Azərbaycanın qeyri-neft sektorunun ən iri işəgötürənlərindən biridir.

Veysəloğlu Şirkətlər Qrupu 1994-cü ildə satış və distribütor şirkəti olaraq fəaliyyətə başlayıb. Həmin ilin 5 noyabr tarixində Türkiyədən TIR ilə Azərbaycana biskvit-peçenye kateqoriyasında ilk idxalı həyata keçirməklə “Veysəloğlu Distribusiya” şirkətinin əsası qoyulub. 1997-ci ildən etibarən öz fəaliyyətini genişləndirən şirkət hazırda dünyanın bir çox tanınmış markalarının 4025 çeşiddə məhsulunun ölkə üzrə distribusiyasını həyata keçirir. “Veysəloğlu Distribusiya” qida məhsullarının distribusiyası və pərakəndə satışı üzrə aparıcı mövqeyə malikdir.

2001-ci ildə isə Veysəloğlu Şirkətlər Qrupu "Ulduz" Şokolad Fabrikinin əsasını qoyub. Qənnadı məhsulları sahəsində “Milli brend” statusunu qazanan bu fabrik əsasən şokolad konfetləri, karamellər, qutu şokoladlar, draje və vafli məhsulları istehsal edir.

1995

2010-cu ildə Şirkətlər Qrupunun ölkə xaricində ilk şirkəti – “VG” (Veyseloglu Georgia) fəaliyyətə başlayıb.  Hazırda Gürcüstan bazarında “VG” tərəfindən müxtəlif ölkələrdən 31 istehsalçı ilə əməkdaşlıq edilir və 400-ə yaxın məhsulun satışı həyata keçirilir. Şirkətin Gürcüstanın bölgələrində ofisləri xidmət göstərir. 28 yük nəqliyyat vasitəsi ilə bütün sifarişlərin 24 saat ərzində müştərilərə vaxtında çatdırılması təmin edilir.

2011-ci il mayın 7-də Veysəloğlu Şirkətlər Qrupu pərakəndə sektoruna ilk addım ataraq "Araz" markası altında fəaliyyət göstərən “AzRetail”i təsis edib. "Siz harada, "Araz" orada" sloqanı ilə fəaliyyət göstərən "Araz" supermarketlər şəbəkəsi 234-dən artıq mağaza ilə müştərilərinə xidmət edir.

2016-cı ildə əhalinin istehlak səbətini eyni büdcə daxilində daha çox məhsul təklif edərək genişləndirmək və yerli istehsalçıların markalaşma xərci çəkmədən öz məhsullarını şəbəkə marketlərdə satışa çıxara bilmələrinə şərait yaratmaq məqsədilə ölkənin bütün regionlarına yayılmış 1340-dan artıq satış nöqtəsi ilə fəaliyyət göstərən "Oba" endirimli satış ("discount") şəbəkəsinin əsası qoyulub.

2016

2016-cı ilin fevral ayından müxtəlif şirniyyat və digər un məmulatlarını "Araz" supermarketlər şəbəkəsində müştərilərə təqdim edən “Xonça” Fabriki qurulub.

Həmin ildə ölkədə aparılan iqtisadi islahatlar fonunda Veysəloğlu Şirkətlər Qrupu təsis etdiyi "V-Trade" distribusiya vasitəsilə iri həcmdə şəkər, paxlalı məhsullar və digər təməl qida məhsullarının idxalını artıraraq, ölkədə qiymət sabitliyinə dəstək göstərib.

2017-ci ildə Logistika Mərkəzinin əsası qoyulub. Logistika Mərkəzi tərəfindən hər gün 64000 kilometr yol qət edilərək Azərbaycanın 4500 nöqtəsində müştərilərə mal çatdırılır. 

Qida və xidmət sektorunda keyfiyyətli və münasib qiymətə xammal tədarük edən “Vesta-Horeka” distribusiya isə 2018-ci ildə fəaliyyətə başlayıb.

2022

Veysəloğlu Şirkətlər Qrupu 2022-ci ildə yeni bir xətt üzrə müştərilərinə məhsullar təqdim etməyə başlayıb. “Veysəloğlu-Rossmann” şirkətini yaradan Qrup ölkəmizdə Almaniyanın “Rossmann” firmasının sağlamlıq və şəxsi qulluq məhsullarının “Rossmann” brendli mağazalar vasitəsilə satışını həyata keçirir.

Şirkətlər Qrupu 2002-ci ildə digər ortaqlarla birlikdə "Sirab" mineral sular zavodunun yenidən qurulmasına investisiyalar yatıraraq, milli su brendi "Sirab"ı yenidən inkişaf etdirib. 

Veysəloğlu Şirkətlər Qrupu digər ortaqları ilə birgə 2014-cü ildə “Entrée” kafesini Azərbaycana gətirib. Hazırda françayzinq hüquqi əsasında bu tanınmış brend adı altında ölkədə bir neçə kafe fəaliyyət göstərir.

Şirkətlər Qrupu 2023-cü ildə ildə digər ortaqlarla birlikdə Azərbaycanın ilk mineral süfrə suyu olan  "Badamlı" zavodunun yenidən qurulmasına investisiyalar yatıraraq, milli su brendi yenidən inkişaf etdirib.

Veysəloğlu Şirkətlər Qrupu 2023-cü ildə Avropada keyfiyyəti və münasib qiyməti ilə tanınan “Pepco” brendini Azərbaycan istehlakçıları üçün əlçatan edib. Hazırda 18 Avropa ölkəsində 3000-dən çox filialı olan brend  “Keyfiyyəti hiss et, qiyməti sev” sloqanı ilə azərbaycanlı müştərilərinə də ailə üçün lazım ola biləcək zövqlü, daim trendlərlə ayaqlaşan geniş çeşidli ev əşyaları, aksesuarlar və keyfiyyətli geyimləri sərfəli qiymətlərlə təklif edir.