MƏMMƏDLİ DİSTRİBUSİYA MƏRKƏZİ

Distribusiya Mərkəzi gündəlik tələbat məhsullarının keyfiyyətli və təhlükəsiz şəkildə saxlanılması və minimal xərclə pərakəndə satış nöqtələrinə çatdırılmasını təmin edir.

Bu mərkəz Şirkətlər Qrupuna daxil olan şirkətlərin logistika xidmətlərinə ehtiyacının təmin edilməsi və mərkəzləşdirilmiş müasir anbar sistemi idarəetməsi ilə daha da yaxşılaşdırılması məqsədilə inşa edilmişdir.

Mərkəzin əməliyyatlar üçün tam hazır vəziyyətə gətirilməsinə ümumilikdə 55 milyon manat investisiya yatırımı edilmişdir.

Sərmayənin 10 milyon manatlıq hissəsi Azərbaycan Respublikası Sahibkarlığın İnkişafı Fondu, digər hissəsi isə Avropa Yenidənqurma və İnkişaf Bankı (AYİB), Almaniya İnvestisiya Fondu (DEG), PaşaBank və Veysəloğlu Şirkətlər Qrupunun öz vəsaiti hesabına maliyyələşdirilmişdir.

Distribusiya Mərkəzinin ümumi sahəsi 45,000 m2-dir. 55,000 palet tutumuna malikdir. Mərkəzdə 2000-nə yaxın əməkdaş çalışır.

“OBA” MARKETLƏR ŞƏBƏKƏSİ

Layihənin icrasında əsas məqsəd əhalinin aztəminatlı hissəsinə ərzaq və digər gündəlik tələbat məhsullarının keyfiyyətli və mümkün olan aşağı qiymətlərlə təqdimatı, yeni iş yerlərinin açılması və pərakəndə sektorun inkişafını təmin edən marketlər şəbəkəsinin yaradılmasıdır.

2016-cı ildə marketlər şəbəkəsinin yaradılmasına 24 milyon manat ilkin investisiya yatırımı olmuşdur. İnvestisiyanın 10 milyon manatlıq hissəsi Paşa Bankın dəstəyilə Azərbaycan Respublikası Sahibkarlığın İnkişafı Fondu tərəfindən, digər hissəsi Veysəloğlu Şirkətlər Qrupu tərəfindən daxili vəsait hesabına maliyyələşdirilmişdir.

2016-cı ildə fəaliyyətə başlamış marketlər şəbəkəsi uğurlu fəaliyyəti və inkişafı nəticəsində böyüyərək 2022-ci ildə ölkə ərazisində market sayını 1111-ə çatdırmışdır.

Marketlər şəbəkəsində hazırda 5,500 əməkdaş çalışır.

“ULDUZ” ŞOKOLAD FABRİKİ

“Ulduz” Şokolad Fabriki 2001-ci ildən etibarən yeni istehsal xətlərinin yaradılması, ümumi istehsal həcminin və çeşidliliyin artırılması, artan tələbata uyğun olaraq daha keyfiyyətli məhsul satışının təmin edilməsini həyata keçirmişdir. 

Layihənin icrasına 22 milyon manat investisiya yatırılmışdır. Layihənin maliyyələşdirilməsi Avropa Yenidənqurma və İnkişaf Bankının (AYİB) dəstəyi ilə həyata keçirilmişdir.

Layihənin icrası nəticəsində yeni moğul, pralin, karamel və vafli istehsal xətləri fəaliyyətə başlamışdır və fabrikin ümumi istehsal həcmini illik 15,000 ton olaraq artırmışdır.

Bu layihə ilə “Ulduz” Şokalad Fabriki istehsal xətti sayını 8-ə çatdırmışdır.

“XONÇA” İSTEHSALAT

Layihənin icrasında əsas məqsəd müasir Avropa avadanlıqları ilə təchiz edilmiş istehsal infrastrukturunun qurulması və əhalinin sağlam, dadlı və keyfiyyətli qida məhsulları ilə təmin edilməsidir.

“Xonça” İstehsalat layihəsinin icrasına 2019-cu ildə 16 milyon manatlıq investisiya qoyulmuşdur. Bu layihə PaşaBankdan cəlb edilmiş maliyyə və Veysəloğlu Şirkətlər Qrupunun öz maliyyə vəsaitləri hesabına həyata keçirilmişdir.

İstehsalat binasının ümumi sahəsi 6,234 m2-dir.

İllik istehsal həcmi 14,253 ton təşkil edir.

“Entree Azərbaycan”

“Entree Azərbaycan” Bakıda 2014-cü ildən fəaliyyət göstərir. Əsas hədəfi ictimai iaşə sahəsində ölkə bazarında üstün mövqelərə sahib olmaqdır. Missiyası sağlam qidalanmanı təbliğ etmək, müştəriləri yüksək keyfiyyətli qida məhsulları ilə təmin etməkdir.

Layihənin icrasına 2,3 milyon manat sərmayə yatırılmışdır. Ümumi sərmayənin təxminən 1 milyon manatlıq hissəsi Veysəloğlu Şirkətlər Qrupunun vəsaiti hesabına maliyyələşdirilmişdir.

“Entrée” ilk dəfə Gürcüstanda fəaliyyətə başlayıb. 2021-ci ildə İngiltərədə (London) filialının açılışı olub. 6 filialı və 90-a yaxın əməkdaşı ilə xalqımızın xidmətindədir.

SOYUQ ANBAR

Məhəmmədi ərazisində yerləşəcək anbarda dondurulmuş, təzə ət və süd məhsullarını, həmçinin meyvə və tərəvəzi ən yüksək keyfiyyətlə saxlamaq mümkün olacaq.

Soyuq logistika mərkəzinin yaradılmasında əsas məqsəd “Araz” supermarketlər şəbəkəsi, “Oba” marketlər şəbəkəsi və “Veysəloğlu Distribusiya” şirkəti vasitəsilə müştərilərə təqdim olunan məhsulların təzəliyinin qorunmasıdır.

Azərbaycanda yeni təzə və dondurulmuş məhsullar üçün logistika mərkəzinin yaradılmasına 28 milyon manat investisiya yatırımı olmuşdur. Məhsulların mükəmməl şəraitdə çatdırılmasına və yollarda kilometri azaltmağa xidmət edəcək 35 ədəd ikili temperaturu olan yük avtomobillərinin alınması üçün də investisiya yatırımı edilib.

Soyuq anbarın ümumi sahəsi 11,000 m²-dir. 2022-ci il ərzində istifadəyə verilməsi nəzərdə tutulan müasir logistika mərkəzindən həftənin 7 günü boyunca 5000 mağazaya xidmət göstəriləcək. Yeni mərkəzin açılışı ilə daha 600 nəfər üçün iş imkanı yaradılacaqdır.