Veysəloğlu Şirkətlər Qrupu “Gələcəyini Qur” layihəsi çərçivəsində Bakının Sabunçu rayonundan olan 12 şagirdə “tələbə” adını qazanmaları üçün dəstəyini davam etdirir. Layihə çərçivəsində Şirkətlər Qrupunun Müşahidə Şurasının sədri Aydın Talıbovun abituriyentlərlə görüşü keçirilib.

Yeni fikirli, müasir gənclərimizi dinləyən Aydın Talıbov onlara gələcək təhsil həyatları ilə bağlı tövsiyələrini verib və ali məktəblərə qəbul imtahanında uğurlar arzu edib.

Abituriyentlərə Şirkətlər Qrupu adından aktiv həyat tərzinə təşviq məqsədilə sağlamlıqla bağlı bir sıra rəqəmləri ölçən ağıllı qol saatları təqdim edilib.

Müsabiqə Deloitte şirkətinin təşkilatçılığı ilə həyata keçirilmişdir. Best Managed Companies müsabiqəsinin məqsədi yüksək biznes fəaliyyəti ilə fərqlənən şirkətləri cəmiyyətə tanıtmaqdır.

Müsabiqə çərçivəsində şirkətlərin idarəedilməsi dörd meyar əsasında dəyərləndirilib. Burada söhbət strategiya, insan kapitalının inkişafı (aktivlər və innovasiya), öhdəlik (insan kapitalının cəlb edilməsi və liderlik) və maliyyə göstəricilərindən (biznes göstəriciləri və idarəetmə) gedir. Bu meyarlar dünyanın ən böyük konsaltinq və audit şirkətlərindən biri olan Deloitte-in son 30 il ərzində bu müsabiqəni beynəlxalq müstəvidə keçirərək topladığı təcrübə əsasında müəyyənləşdirilib.

Proqram zamanı müsabiqədə iştirak edən şirkətlər beynəlxalq standartlar çərçivəsində və biznes aləmində nüfuzlu müstəqil münsif heyəti tərəfindən qiymətləndiriliblər. Münsiflər eyni zamanda şirkətlərin ümumi biznes nəticələrini, korporativ sosial məsuliyyət strategiyasını və dayanıqlı inkişafı, həmçinin bu istiqamətdə nümayiş etdirdiyi səyləri dəyərləndirmişlər.

Azərbaycanda Best Managed Companies müsabiqəsi PAŞA Bank, Azərbaycan Dövlət İqtisad Universiteti, British Business Group və İctimai Televiziyanın tərəfdaşlığı ilə təşkil olunmuşdur.

28 ildir ki, ölkə iqtisadiyyatına dəyər qatan Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. 19,500 nəfərdən çox insanın iş yeri olan Şirkətlər Qrupunda əməkdaşların fərdi və peşəkar inkişafı üçün geniş imkanlar yaradılıb. Veysəloğlu Şirkətlər Qrupu son illər ərzində ölkə iqtisadiyyatına 222 milyon manatdan çox yatırım edib.

Veysəloğlu Şirkətlər Qrupunda 2020-2025-ci illər ərzində davam edəcək SAP layihəsinin icrasına indiyə kimi 5 mln. manatdan çox vəsait yatırılıb.

SAP nədir?

Rəqəmsallaşma ilə bağlı olduğu anlaşılan SAP abreviaturası əslində alman mənşəli bir şirkətin adıdır və açıqlaması belədir: Systemanalyse Programmentwicklung - ingilis dilində System Analysis Program Development. Dilimizə isə aşağıdakı kimi tərcümə edilə bilər: sistemlərin təhlili üzrə proqram yaradılması.

1972-ci ildə Almaniyada yaradılmış “Systemanalyse Programmentwicklung” adlı şirkət daha sonra qısaca SAP olaraq tanınmağa başlamışdır. Hazırda qlobal olaraq əməliyyat gəlirlərinin 77%-i SAP sistemi üzərindən həyata keçirilir.

Ənənəvi biznes necə dəyişir?

Ənənəvi biznes modellərində məlumat əsasən mərkəzləşməmiş idarə olunur, sadə dillə desək, hər bir biznes funksiyası/departament öz əməliyyatlarına aid məlumatları özündə saxlayır. Bu isə müxtəlif funksiyalarda çalışan əməkdaşlara bir-birilərinin məlumat bazasından faydalanmağa imkan vermir. Bundan başqa, bəzi departamentlər özləri də bilmədən eyni işi görürlər. Həmçinin böyük həcmli məlumatın İT bazasında saxlanılması xərcləri də artırır.

Son dövrlərdə şirkətlər rəqəmsallaşmanın və məlumatların vahid sistemdə mərkəzləşməsinin effektivlik üçün mütləq olduğunu anlamağa başlayıblar. Böyük şəklə baxdıqda, rəqəmsallaşmanın yalnız bir biznesin ehtiyacı deyil, dayanıqlı inkişaf üçün əsas amillərdən biri olduğu görünür. Şirkətlər digər əməliyyat xərcləri ilə bərabər, bəzən isə daha çox rəqəmsallaşma istiqamətinə investisiya yatırırlar.

Veysəloğlu Şirkətlər Qrupunda SAP

Veysəloğlu Şirkətlər Qrupunda 2020-2025-ci illər ərzində davam edəcək SAP layihəsinin icrasına indiyə kimi 5 mln. manatdan çox vəsait yatırılıb. Qrupa daxil olan distribusiya şirkətində cari ilin yanvar ayından etibarən SAP S/4HANA platformasına keçid baş verib. Qeyd edək ki, SAP S/4HANA müəssisə resurslarının planlaşdırılması üzrə dünyada lider sistem olaraq ən uğurlu pərakəndəçilərin seçimidir.

Bu rəqəmsal layihə şirkətin logistika, daşınmaz əmlakın idarə edilməsi, satış və satınalma, istehsalat, insan resursları daxil olmaqla, bütün departamentlərini əhatə edir. Proqramın 24 modulunun eyni anda tətbiqi şirkətin bütün əməliyyat sistemlərinin etibarlı şəkildə işlədiyindən əmin olmağa, eləcə də prosesləri tez və səmərəli şəkildə genişləndirməyə imkan verəcək.

“Veysəloğlu” bu rəqəmsallaşma ilə nə qazanacaq?

SAP 19,000 nəfərdən çox əməkdaşı olan Şirkətlər Qrupunda məlumatları yüksək səviyyədə idarə etməyə, eyni işin bir neçə şəxs/funksiya tərəfindən təkrar icrasının qarşısını almağa və mükəmməl təhlil və proqnozlar əldə etməyə imkan yaradır. Bu isə öz növbəsində şirkətin beynəlxalq rəqabətə davamlılığını artırmağa, xərcləri azaltmağa, məlumatların keyfiyyətinin və təhlükəsizliyinin təmin olunmasına və biznes proseslərin yüksək effektivliyinə xidmət edəcək.

Veysəloğlu Şirkətlər Qrupunda Rəqəmsal Transformasiya direktoru Özgür Kakmacı: “SAP sayəsində bütün biznes proseslər əvvəldən axıra qədər bir sistemdə idarə olunur, bununla da “ucdan-uca” prinsipi ilə bütün proseslərin izlənilməsi mümkündür. Bu rəqəmsallaşma həm proseslər, həm də əməkdaşların inkişafı üçün faydalıdır. Artıq SAP üzrə 45 nəfər mütəxəssis yetişdirilib. Bu isə yalnız bizim şirkətimiz üçün deyil, ölkənin əmək bazarı üçün bir qazancdır”.

SAP ilə “Veysəloğlu” əməkdaşlarının həyatı necə dəyişiləcək?

Veysəloğlu Şirkətlər Qrupunda Müşahidə Şurasının üzvü Natəvan İbrahimova: “Qrupumuzun davamlı inkişafının SAP ilə birlikdə daha dayanıqlı və beynəlxalq təcrübəyə uyğun olacağına inanırıq. Bizim üçün SAP yalnız proseslərin effektivliyini artırmaq vasitəsi deyil, eyni zamanda əməkdaşların inkişafı üçün də ciddi bir yatırımdır”. SAP sistemi ilə bağlı prosesə tam yiyələnmək üçün əməkdaşlar mütəmadi olaraq təlimlərə və imtahanlara cəlb olunurlar. SAP-ni yaxşı anlayan və real işində tətbiq etməyi bacaran əməkdaş beynəlxalq təcrübəyə çıxış imkanı əldə edir, səmərəliliyi artır və çeviklik qazanır. Bu isə potensialı və karyera hədəfləri olan hər bir şəxs üçün əla fürsətdir.

Bu layihə nəticəsində əməkdaşlar prosesləri daha rahat izləyəcək, planlaşdıracaq və daha dəqiq hesabatlar əldə edə biləcəklər. Bu isə komanda üzvlərinin iş performasına, nəticə etibarilə karyera yüksəlişinə öz təsirini göstərəcək.

Rəqəmsallaşma ilə rəqabət qabiliyyətini artırmaq mümkündürmü?

“SAP Azərbaycan” şirkətinin icraçı direktoru Svetlana Yankina: “SAP S/4HANA biznes proseslərinin rəqəmsal əsasını təşkil edir və şirkətlərə xarici çağırışlara dərhal reaksiya verməyə, böyük həcmli məlumatla işləməyə və biznes modellərini çevik olaraq şərtlərə uyğunlaşdırmağa imkan verir. Rəqəmsal texnologiyalar artıq uzun müddətdir ki, dünyanı idarə edir və yalnız bu trendlə ayaqlaşanlar sərt rəqabətdə qalib gələ və bizneslərini genişləndirə biləcəklər. Əminəm ki, Veysəloğlu Şirkətlər Qrupunun rəqəmsal transformasiyası yalnız yerli deyil, beynəlxalq bazarın oyunçusu olmaq hədəfi olan digər şirkətlər üçün də yaxşı bir nümunə olacaqdır”.

İşgüzar görüşdə Mərkəzi Bankın rəhbərliyi və Veysəloğlu Şirkətlər Qrupunun (VŞQ) nümayəndələri iştirak ediblər.

“İnflyasiya və tədarük zənciri” mövzusuna həsr edilmiş görüş eyni zamanda özəl sektor ilə dövlət qurumu arasındakı əməkdaşlığın inkişaf etdirilməsinə də xidmət etmək məqsədi daşıyıb.

Görüş zamanı qlobal inflyasiya, həmçinin tədarük zənciri ilə bağlı proseslərin qiymətlərə təsiri əsas müzakirə mövzularından biri olub. Qeyd edilib ki, Mərkəzi Bankın əsas məqsədi qanunla müəyyən edilmiş səlahiyyətləri daxilində qiymətlərin sabitliyinin təmin edilməsidir.

“Veysəloğlu” nümayəndələri bildirib ki, 1300-dən çox mağaza ilə gündəlik 650,000-dən çox müştəriyə xidmət göstərən Şirkətlər Qrupu qlobal qiymət artımı fonunda dövlətimizin antiinflyasiya tədbirlərinə dəstək olaraq, qiymət artımı ilə öz imkanları daxilində mübarizə aparır.

Görüşdə həmçinin indekslərin ölkə iqtisadiyyatına töhfəsi barədə fikir mübadiləsi aparılıb. Qeyd olunub ki, marketlərində qiymət dəyişikliklərini şəffaf şəkildə göstərmək məqsədilə ötən ildən etibarən “Veysəloğlu Pərakəndə İndeksi” hesabatı hazırlanır və hər ay ictimaiyyətlə paylaşılır.

Şirkətlər Qrupu həmçinin tədarük zəncirinin idarəedilməsi istiqamətində də yeni layihələr həyata keçirir. Müştərilərinə təqdim olunan məhsulların təzəliyinin qorunması məqsədilə Veysəloğlu Şirkətlər Qrupu bu ilin sonuna qədər hazır olacaq dünya standartlarına cavab verən təzə və dondurulmuş məhsullar üçün logistika mərkəzinin yaradılmasına 25 milyon manat yatırım edib.

Görüşdə ölkənin qida təhlükəsizliyinin təmin olunmasına töhfə və dəyər vermək naminə əməkdaşlığın gələcəkdə də davam etdirilməsinin zəruriliyi vurğulanıb.

Hazırda dünya iqtisadiyyatında böhran halları, bölgədə baş verən geosiyasi proseslər ümumiyyətlə, iqtisadi vəziyyətə, o cümlədən idxal və ixraca, nəticə etibarilə marketlərdə ərzaq təminatına ciddi təsir göstərə bilər. Bazar oyunçuları artıq etiraf ediblər ki, Qara dəniz bölgəsində baş verən məlum hadisələr bir neçə məhsulun qiymətində artıma gətirib çıxarıb. Bəs ölkəmizdəki vəziyyətə bu proseslər necə təsir edə bilər? Suallarımızı Veysəloğlu Şirkətlər Qrupuna daxil olan “Araz” supermarketlər şəbəkəsinin rəhbəri Rəşad İbrahimov cavablandırır.

Haqlısınız, bu proseslərin qiymətlərə təsiri və qıtlığın yaranma ehtimalı hamını maraqlandıran və narahat edən məsələdir. Yeri gəlmişkən, biz də çalışırıq ki, marketlərimizdə qıtlıq yaranmasın və müştərilərimiz ehtiyacları olan məhsulları mümkün olan uyğun qiymətə əldə edə bilsinlər. Düzdür, qlobal proseslərin fonunda iqtisadi təsirlər səbəbilə tədarük zəncirində bəzi qırılmalar ola bilir, yəni bəzi idxal məhsulları ölkəmizə planlaşdırıldığından gec daxil ola bilər. Biz isə bu məsələlərin müştərilərimizə təsir etməməsi üçün əlimizdən gələni edirik. Alıcılarımızın narahatlığını azalda biləcək daha bir xəbərim var. Hətta təchizat zənciri tam pozulsa belə, insanları bir neçə ay məhsulla təmin etmək üçün logistika və stok (ehtiyatlar) imkanımız var.

Marketlərdə bolluq olduğunu dediniz. Bəs bu qidanın keyfiyyəti ilə bağlı nə düşünürsünüz?

Keyfiyyət bütün sahələrdə və deyərdim ki, əsas da qida sektorunda ən vacib göstəricidir. Çünki qidanın keyfiyyəti bizim sağlamlığımıza birbaşa təsiri olan məsələdir. Buna görə də satdığımız məhsulların keyfiyyəti ilə bağlı daima düşünürük. Burada vacib olan odur ki, tədarük zənciri, yəni məhsulların daşınması və saxlanılması prosesi düzgün qurulsun. Biz istəyirik ki, mağazalarımızda məhsullarımız hər zaman təzə və keyfiyyətli olsun. Bu məqsədlə öz soyuq anbarımızı yaratmaq qərarına gəlmişik. 25 milyon vəsait yatırılan logistik mərkəzin bu ilin sonuna kimi istifadəyə verilməsi planlaşdırılır. Bununla yanaşı, məhsulların mükəmməl keyfiyyətdə çatdırılması və yollarda gedilən məsafəni azaltmaq üçün 35 ədəd ikili temperaturu olan yük avtomobili almağı nəzərdə tuturuq. Veysəloğlu Şirkətlər Qrupu səviyyəsində qida keyfiyyətinə nəzarət edən peşəkar komanda var ki, müvafiq qurumlarla əməkdaşlıqla bu məsələni ciddi nəzarət altında saxlayır. Müştərilərimizin keyfiyyətli qida ilə təminatı üçün yalnız ötən il laborator xərclərimiz 450 minə yaxın manat təşkil edib.

Əyri oturub, düz danışaq, Rəşad bəy. İndi insanları keyfiyyətlə yanaşı, qiymətlər də maraqlandırır.

Qiymətlərin artması hər kəsi narahat edən, amma təəssüf ki, qaçılmaz və deyərdim, qlobal bir prosesdir. BMT-nin Ərzaq və Kənd Təsərrüfatı Təşkilatının (FAO) məlumatına görə, martda dünya ərzaq qiymətləri 12,6% artaraq 1990-cı ildən bu yana ən yüksək səviyyəyə çatıb. Təşkilatın baş direktoru Qu Donqyu bu yaxınlarda Bakıda olarkən qlobal miqyasda qiymətlərin artımı və bəzi bölgələrdə yarana biləcək qida qıtlığı ilə bağlı öz təşkilatının narahat olduğunu bir də bildirdi. Yəni bu, yalnız Azərbaycanda müşahidə olunan proses deyil. Qiymət artımına müxtəlif amillər, o cümlədən nəqliyyat xərclərinin artması, pandemiya və siyasi iğtişaşlara görə tədarük zəncirinin pozulması, habelə qarğıdalı və buğda əmtəə qiymətlərinin yüksəlməsi səbəb olub.

Bəs bu halda siz nə edirsiniz?

Yarana biləcək çətinliyin qarşısını almaq məqsədilə müəyyən qədər ehtiyat tədarük etmişik. Meyvə-tərəvəzi yerli fermerlərdən almağa üstünlük veririk. Bu məqsədlə Meyvə-tərəvəz satınalma şirkətini yaratmışıq. Məntiqimiz fermerlə ədalətli ticari münasibətlər qurub, nəticədə bazara münasib qiymətə məhsul çıxartmaqdır. Qrupumuz 28 ildir ki, distribusiya fəaliyyəti ilə məşğuldur. Bu müddət ərzində müəyyən partnyorlarla etibarlı və uzunmüddətli işgüzar əməkdaşlıq münasibətləri yaratmağa nail olmuşuq. Məhz bu münasibətlərə görə məhsullarımızın qiymətinin imkan daxilində sabit saxlanılmasına çalışırıq. Bir də təkrar etməliyəm ki, qlobal böhran və geosiyasi proseslərin fonunda qiymətlərdə təəssüf ki, müəyyən qədər artımın olacağı gözlənilir. Amma burada vacib bir məsələ də var. İstehsal etdiyimiz məhsulların qiymətində artımın bir səbəbi də xammal qiymətinin dəyişikliyi ilə bağlıdır.

Mətbəximizin vacib tərkib hissəsi olan ətin də qiymətində dəyişiklik var...

Bəli, mən də fikir vermişəm ki, son zamanlar mediada bu mövzuya diqqət edilir və bizə də bu məsələ ilə bağlı tez-tez sorğular göndərilir. Quş əti Azərbaycana ən çox Ukraynadan idxal edildiyinə görə ölkəmizə bu məhsulun gətirilməsində problemlər yaranıb. Logistikada problemlər də qiymət artımına təsir edən amillərdəndir. Digər ət və ət məhsullarının tədarükündə isə narahatlığa əsas yoxdur.

Əsas fəaliyyət istiqamətlərimizdən biri də yalnız yerli cins heyvanların ətindən istifadə etməklə həyata keçirilən ət emalıdır. Dadlı ət deyəndə, hər kəsin düşündüyü bölgələr olan Bərdə, Ağcabədi və Beyləqandan dana və quzular hər gün Qida Təhlükəsizliyi Agentliyinin (AQTA) rəsmi qeydiyyatından keçmiş mərkəzi kəsim məntəqələrinə gətirilir. Təzə ət emal olunaraq “Araz” və “Spar” supermarketlər şəbəkəsinin mağazalarında satışa çıxarılır. Son aylarda marketlərimizdə təzə ətin qiymətlərində gözəçarpan dəyişiklik olmayıb.

“Araz” supermarketlər şəbəkəsi artıq 11 yaşındadır. Bu illər ərzində istehlakçı tələbi və gözləntiləri arasında hansı dəyişiklikləri müşahidə edirsiniz?

“Araz” ailəsi olaraq, hazırda Azərbaycanın bir çox ərazilərində 300-dən artıq market, 7000-dən çox əməkdaş və Abşeron rayonu Məhəmmədi qəsəbəsində yerləşən müasir logistik mərkəz ilə hər gün 350 mindən artıq müştəriyə xidmət göstəririk. Qürur hissi ilə qeyd edim ki, artıq Şuşada da marketimiz alıcıların ixtiyarına verilib. Fəaliyyətimizin əsasında xidmətdə yenilik, müştəri məmnuniyyəti və sədaqəti üçün çalışmaq dayanır. Bu, korporativ mesaj kimi səslənə bilər. Amma biz doğrudan da belə edirik. Gəlin sizə misal çəkim. Mağazalarımızda görmə zəifliyi ilə əlaqədar məhsulları seçməkdə çətinlik çəkən müştərilərimiz üçün lupalı arabalar mövcuddur. Bundan əlavə, “Araz” mobil tətbiqi ilə alıcılarımız öz alış-veriş hərəkətlərini izləyə bilər. Təbii ki, istehlakçıların demək olar ki, hər gün ehtiyac və gözləntiləri dəyişir. Bu, normal prosesdir və biz bunu anlayırıq. Ona görə gözləntiləri qarşılamaq və bəzən üstələmək üçün dayanmadan çalışırıq.

Yapon mədəniyyətində belə bir anlayış var: biznes savaş deməkdir. Bu savaşda “Araz” rəqiblərlə münasibətlərdə necə davranır?

Maraqlı bənzətmə etdiniz. Yapon mədəniyyətinə görə, döyüşçü-samuray təmkinli, dürüst və digərlərinə hörmət edən nəcib bir insandır. Biz bütün bazar oyunçuları, həmçinin rəqiblərlə hörmət və biznes etikasına əsaslanan münasibətlər qururuq. Şirkətimizin əsas dəyərlərindən biri də ədalətlilikdir. Bu isə o deməkdir ki, yalnız müştərilərimiz, əməkdaşlarımız və partnyorlarımızla deyil, həmçinin rəqiblərimizlə də münasibətdə ədalətli olmağa çalışırıq.

Müsahibimiz haqqında:

Rəşad İbrahimov ali təhsilini Bakı Dövlət Universitetində “Sosial Elmlər, Psixologiya və Politologiya” fakültəsində bakalavr və magistratura dərəcələri üzrə alıb. Həmçinin Harvard Biznes Məktəbinin “Liderlər üçün maliyyə” kursunun sertifikatını qazanıb. Peşəkar fəaliyyətinə “Veysəloğlu” MMC-də Satış təmsilçisi qismində başlayan Rəşad İbrahimov son 8 ildə “Araz Supermarket” MMC-də müxtəlif vəzifələrdə çalışıb. Rəşad İbrahimov 2020-ci ildə “Araz Supermarket” MMC-nin İdarə Heyətinin üzvü vəzifəsinə, daha sonra İdarə Heyətinin sədri vəzifəsinə təyin olunub.

Hamımızın həyatına təsir edən koronavirus pandemiyası dünya iqtisadiyyatındakı vəziyyəti əhəmiyyətli dərəcədə dəyişdi. Təbii ki, bu proses dünyada irili-xırdalı bütün şirkətlərin fəaliyyətinə təsir etdi. Maliyyə böhranı yaşayan, hətta işini dayandıran qurumlar da az olmadı. Hazırda inflyasiya bütün dünyanın gündəmində olan məsələdir. Bu günkü müsahibimiz Veysəloğlu Şirkətlər Qrupuna daxil olan “Araz” supermarketlər şəbəkəsinin İdarə Heyətinin sədri Rəşad İbrahimovdur.

Bazarda mövcud vəziyyəti nəzərə alsaq, “Araz”ın fəaliyyətinin əsas prioriteti nədir?

Biz marketçiliklə məşğul oluruq və müştəri məmnuniyyəti bizim üçün prioritetdir. Bu, nə qədər də banal səslənsə də, müştərinin mağazamızdan məmnun getməsi bizim əsas hədəfimizdir. Biz bunu necə başa düşürük? Müştərilərimizə mümkün olan uyğun qiymətə keyfiyyətli məhsul təqdim etməliyik. Keyfiyyətli məhsul odur ki, mən həmin məhsulu öz evim üçün alıb aparmaq istəyirəm. Biz şirkət olaraq, qidanın keyfiyyətinə böyük əhəmiyyət veririk və bunun üçün təkcə ötən ildə laborator xərclərimiz 450 min manata yaxın olmuşdur. Bazarda yaranmış vəziyyətə uyğun olaraq, biz də işimizi elə qururuq ki, yeniliklərdən geri qalmayaq və tələblə ayaqlaşaq.

“Araz” supermarketlər şəbəkəsi qiymətləri formalaşdırarkən nələri nəzərə alır?

Qiymətlər hazırda bütün dünyanın gündəmində olan məsələdir. Əlbəttə, insanlar hər zaman qiymətlər haqqında düşünür. Bu, təbii prosesdir. Dünyada baş verən son hadisələr qiymətlərin artımına gətirib çıxarır. Mən dünyada gedən prosesləri müşahidə edirəm. Hətta dünyanın ən inkişaf etmiş bölgələrindən olan Şimali Avropada da davam edən inflyasiya insanları narahat edir. Sualınıza cavab olaraq, demək istəyirəm ki, qiyməti bazar müəyyən edir və bazar iştirakçıları də bu axına uyğunlaşmalıdır. Geosiyasi hadisələr, sosial iğtişaşlar, iqlim və təbii hadisələr, yeni bazarların yaranması, tələb-təklif nisbəti və digər amillər də qiymətlərin formalaşmasına təsir göstərir. Amma biz çalışırıq ki, qiymətlərimizi bir tərəfdən yerli bazara uyğunlaşdıraq, digər tərəfdən isə məhsullarımızı müştərilərimizə mümkün qədər münasib qiymətə təqdim edək.

Sizin bir günlük müştəri sayınız təxminən nə qədərdir? Bu rəqəm sizi qane edirmi?

Satış sahəsinin hər bir peşəkarı sizə deyər ki, hədəfimiz və gözləntilərimiz hər zaman daha yüksəkdir. Bütün pərakəndəçilər daha çox müştəriyə xitab etmək istəyirlər. Belə olmasa, deməli, işimizi düzgün qurmamışıq. Gün ərzində biz minlərlə, dəqiq desək, ölkə üzrə mağazalarımızda 350 mindən artıq insana xidmət edirik. Hər zaman düşünürük ki, necə edək ki, müştərilərimiz bizimlə qalsın. Səmimi desəm, əlbəttə, daha çox müştərinin “Araz”ı seçməsini istəyirik. Lakin buna nail olmaq üçün biz xidmətlərimizi və müştərinin alış-veriş təcrübəsini daha da yaxşılaşdırmalıyıq.

Bu təcrübənin yaxşılaşdırılması üçün siz konkret olaraq nə edirsiniz?

Sizə desəm ki, marketlərimizdə 100% hər şey yaxşıdır, bu, qeyri-səmimi və qeyri-peşəkar səslənər. Şikayətləri heç kim sevmir. Amma qəbul edirəm ki, müştərilərimiz vaxtaşırı bizə müəyyən nöqsanlar barəsində məlumat verir. Bu cür sorğular üzrə işləyən komandamız həmin müraciətləri vaxtında araşdırır və həll etmək üçün çalışır.

Siz özünüzün bazarda mövqeyi barədə nə düşünürsünüz?

Fikrimizcə, “Araz” supermarketlər şəbəkəsinin bazarda özünəməxsus yeri var. Artıq 11 ildir ki, “Siz harada, Araz orada” deyərək müştərilərimizə xidmət edirik. Fəaliyyətimizin ilk dövrü ilə müqayisədə böyük məsafə qət etmişik. Dünyada baş verən yenilikləri biz də çalışırıq ki, marketlərimizdə tətbiq edək. Bir neçə nümunə deyim. Mağazalarımızdakı özünəxidmət kassa aparatları müştərilərin rahatlığına yönəlib və vaxt itkisini azaldır. Müəyyən marketlərimizdə ənənəvi dolabları elektron dolablarla əvəz etmişik. Bundan başqa, meyvə-tərəvəz, ət və ət məhsullarının üzərindəki QR kod vasitəsilə müştərilərimiz həm elektron kataloqu mobil telefonlarına yükləyə, həm də məhsul haqqında ətraflı məlumat əldə edə bilərlər. Görmə zəifliyi olan müştərilərimiz üçün lupalı alış-veriş arabaları istifadəyə verilib. “Araz” bonus kartı 2 faiz kəşbək qazandırır. “Araz” mobil tətbiqini yükləməklə də bonus kartının üstünlüklərindən yararlanmaq mümkündür. Tez-tez məhsul festivalları keçiririk. Dediyim kimi, biz müştərilərimizin məmnuniyyətini təmin etməyə çalışırıq. Düşünürəm ki, buna görə də bazarda müəyyən yerimiz var.

Bildiyimizə görə, “Araz” Azərbaycanda ən böyük işçi heyətinə malik olan şirkətlərdən biridir. Hazırda marketlərinizdə neçə nəfər çalışır və insanları işə götürəndə nəyə fikir verirsiniz?

Bizim üçün müştəri ilə yanaşı, əməkdaşlarımız da dəyərli aktivdir. Pərakəndə sektorunda çalışan hər bir peşəkar sizə deyər ki, keyfiyyətli xidmətin, sektorda mövqe qazanmağın və şirkətin imicini yüksəltməyin əsas yollarından biri də əməkdaşların motivasiyasıdır. Çünki məqsədlərimizə əməkdaşların şirkətə bağlılıq hissi və zəhməti sayəsində nail ola bilərik. Şirkət yeniliklərə malik texnologiyalara və maddi resurslara sahib ola bilər, amma bunlardan doğru şəkildə yararlanmaq üçün peşəkar komandaya ehtiyac duyulur. Bəlkə bu, sizə iddialı səslənə bilər. Amma biz inanırıq ki, potensialı yüksək və bacarıqlı əməkdaşlar həm şəxsi, həm də peşəkar inkişaf baxımından şirkətimizdə irəliləyə bilərlər. Hazırda “Araz”ın böyük ailəsində hər yaş qrupunu əhatə edən 7000-dən çox əməkdaş çalışır. Biz əməkdaşlarımızın inkişafı məqsədilə “Araz akademiya”nı yaratmışıq. Məsuliyyətli, dürüst, hədəfləri və məqsədləri olan insanlar “Araz” ailəsinə qoşula bilər.

“Araz” supermarketlər şəbəkəsi üçün pandemiya dövrünün çətinlikləri və qazancı nə oldu?

İnsanları qida və ilkin tələbat məhsulları ilə təmin edən şirkət kimi biz də öz məsuliyyətimizi dərk edirdik. Həm müştərilərimizin, həm də əməkdaşlarımızın sağlamlığı və təhlükəsizliyi üçün dövlətin tövsiyə etdiyi bütün tədbirləri zamanında gördük. Ötən ildə məhdudiyyətlərin yumşalma dövrü olsa belə, əməkdaşlarımızın və müştərilərimizin sağlamlığını qorumaq əsas prioritetimiz olaraq qaldı. Biz indiyədək bütün mağazalarımızda ciddi şəkildə dezinfeksiya tədbirləri həyata keçiririk. Müştərilərin əllə təmasda olduğu bütün əşyalar – əl səbətləri, arabalar, kassa ətrafına qədər mütəmadi dezinfeksiya edilir. Düşünürəm ki, bu dövrdə bütün çətinliklərə və xərclərə baxmayaraq, bizim qazancımız elə müştəri məmnuniyyəti və rəğbəti oldu.

“Araz”da işçilərin iş saatı və əməkhaqqısı müəyyən edilərkən hansı meyarlar əsas götürülür?

Veysəloğlu Şirkətlər Qrupunun əsas dəyərlərindən biri də ədalətlilikdir. Biz həm müştərilərimizlə, həm də öz əməkdaşlarımızla ədalətlə davranırıq. İşçilərimizə təklif etdiyimiz əməkhaqqı əmək bazarının standartlarına uyğundur. Əlavə edim ki, şəbəkəmizdə sürətli karyera inkişafı olduğundan insanların məvacibi da qısa bir zamanda dəyişə bilər. Dediyim kimi, maaş təyin edilərkən əmək bazarındakı ümumi vəziyyət və əməkdaşın vəzifə öhdəlikləri nəzərə alınır. İş saatları Əmək Məcəlləsinə və ölkə qanunvericiliyinin tələblərinə uyğun tənzimlənir.

“Araz”dan istehlakçılar yaxın gələcəkdə hansı yenilik və dəyişiklikləri gözləsin?

Əlbəttə, gələcəyini düşünən hər bir şirkət yeniliyə açıq olmalıdır. Şəxsən mən hər imkanda çalışıram ki, yenilikləri izləyim və araşdırım. Pərakəndə sahəsində olan uğurlu tendensiyaları biz komanda olaraq aramızda müzakirə edirik. Bilirsiniz, hər bir şirkət cəmiyyətin və xidmət göstərdiyi icmanın bir parçasıdır. Şirkəti fərd kimi dəyərləndirsək, görərik ki, onun özünəməxsus xarakteri, məqsədi, yolu vardır. Məsuliyyətini anlayan hər bir fərd yaxşı bilir ki, onun yolu cəmiyyətdən ayrı deyil və cəmiyyət üçün fayda və dəyər yaratmağa çalışır. Biz də bu cəmiyyətin bir parçası olan şirkət kimi dediyim bu dəyəri artırmaq üçün tətbiq ediləcək yenilikləri düşünürük. Bizim də yolumuz budur.

Müsahibimiz haqqında:

Rəşad İbrahimov ali təhsilini Bakı Dövlət Universitetində “Sosial Elmlər, Psixologiya və Politologiya” fakültəsində bakalavr və magistratura dərəcələri üzrə alıb. Həmçinin Harvard Biznes Məktəbinin “Liderlər üçün maliyyə” kursunun sertifikatını qazanıb. Peşəkar fəaliyyətinə “Veysəloğlu” MMC-də Satış təmsilçisi qismində başlayan Rəşad İbrahimov son 8 ildə “Araz Supermarket” MMC-də müxtəlif vəzifələrdə çalışıb. Rəşad İbrahimov 2020-ci ildə “Araz Supermarket” MMC-nin İdarə Heyətinin üzvü vəzifəsinə, daha sonra İdarə Heyətinin sədri vəzifəsinə təyin olunub.

Veysəloğlu Şirkətlər Qrupu bu mövzuda da çox seçicidir. Pərakəndə sektorunda önəmli yerə malik olan Veysəloğlu Şirkətlər Qrupunun əsas fəaliyyət istiqamətlərindən biri də yalnız yerli cins heyvanların ətindən istifadə etməklə həyata keçirilən ət emalıdır. Şirkətlər Qrupuna daxil olan “Araz” supermarketlər şəbəkəsində istehlakçılara keyfiyyətli ət və ət məhsulları təqdim olunur.

Ətin çatdırılması

Hər gün Bərdə, Ağcabədi və Beyləqandan dana və quzular Azərbaycan Respublikasının Qida Təhlükəsizliyi Agentliyinin (AQTA) rəsmi qeydiyyatından keçmiş mərkəzi kəsim məntəqələrinə gətirilir. Həmin məntəqələrdə bütün gigiyena standartlarına əməl olunmaqla kəsim aparılır, “soyuq zəncir” prinsipi ilə “Araz” supermarketlər şəbəkəsinin mərkəzi anbarına çatdırılır. Bu mərhələ peşəkar mütəxəssislər tərəfindən ciddi nəzarətdə saxlanılır.

Veysəloğlu Şirkətlər Qrupu soyuq şəraitdə saxlanılmalı olan qidanın istehsalından başlayaraq, daşınma, saxlanma və satış daxil olmaqla, bütün pillələrdə soyuq zəncirin qırılmaması üçün daima çalışır. Bu məqsədlə yeni təzə və dondurulmuş logistika mərkəzinin bu il istifadəyə verilməsi nəzərdə tutulur. Müasir tipli logistika mərkəzinin yaradılması üçün 25 milyon manat investisiya yatırılıb.

Ətin qəbulu necə aparılır?

Qəbul zamanı dana əti cəmdəyinin çəkisinin 150-200 kq, quzu əti cəmdəyinin çəkisinin isə 13-18 kq aralığında olmasına xüsusi diqqət edilir. Standartlara cavab verən məhsullar dinlənmək üçün soyuducu anbarlara yığılır.

Ətin cəmdək hərarəti dinlənmədən sonra 2-6 C°-yə salınır, daha sonra mağazaların təyinatına uyğun hissələrə ayrılan ətlər satış üçün marketlərə göndərilir. Təzə ət emal olunaraq “Araz” və “Spar” supermarketlər şəbəkəsinin mağazalarında satışa çıxarılır. Ətin vitrinlərdə saxlanılma müddəti 1 sutkadır.

Əhalinin qida və ərzaq təhlükəsizliyi

Veysəloğlu Şirkətlər Qrupu alıcılara təqdim etdiyi ətin keyfiyyətinə, yerli dana və quzular olmasına zəmanət verir. Veysəloğlu Şirkətlər Qrupunun Keyfiyyət İdarəetmə direktoru Anar Cümşüdovun sözlərinə görə, yeni logistika mərkəzində dondurulmuş, təzə ət və ət məhsullarını ən yüksək keyfiyyətlə saxlamaq mümkün olacaq. Bu mərkəz uyğun qiymətə və çox çeşidli məhsulları xalqımız üçün əlçatan edəcəkdir”.

Veysəloğlu Şirkətlər Qrupu cəmiyyəti təmiz, sağlam və keyfiyyətli gündəlik istehlak malları ilə təmin etmək missiyasına sadiqdir və bundan sonra da əhaliyə təhlükəsiz və etibarlı qida məhsullarını təqdim edəcək.

28 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 19 minə yaxın əməkdaş sayı ilə Azərbaycanın ən iri iş yeri imkanı yaradan qurumlarından biridir.

Xeyirxahlığa, birliyə, mənəvi kamilliyə dəvət edən müqəddəs Ramazan bayramını da xalqımızla birgə qeyd etdik.

Bayram ərəfəsində Bakı və Bakı ətrafında yaşayan əhalinin həssas qruplarından olan nümayəndələrini, 200 Qarabağ qazisi, şəhid ailəsi və aztəminatlı ailəni ziyarət etdik, “Araz” supermarketlər şəbəkəsinin hədiyyə kartlarını təqdim etməklə onlara bayram sevinci yaşatdıq.

Veysəloğlu Şirkətlər Qrupu olaraq, yardımsevərliyin ümumi ictimai rifaha və cəmiyyətin bir-birinə mənəvi bağlılığının formalaşmasına müsbət təsir edəcəyinə inanır və bu məqsədlə korporativ sosial məsuliyyət layihəsi çərçivəsində əhəmiyyət kəsb edən addımlar atmağa davam edirik.

Elə bir dövrdə yaşayırıq ki, dünyanın hər yerində, həmçinin ölkəmizdə insanlar supermarketə və ya istənilən ərzaq dükanına gedərək ilin bütün fəsillərində təzə məhsul tapa bilərlər. Müasir texnologiyalar sayəsində təzə, tez xarab olan qidaların keyfiyyətlə bağlı heç bir riskə məruz qalmadan dünyanın bir başından o biri başına çatdırılması mümkündür. Belə ki, soyuq tədarük zənciri vasitəsi ilə təzə və idxal olunan məhsulların bolluğuna nail olunur. Bu mövzudan bəhs edərkən qida məhsullarının saxlanılmasına imkan yaradan soyuq və dondurulmuş məhsullar üçün nəzərdə tutulmuş anbarları xüsusi qeyd etməyə dəyər. Bəs nədir soyuq anbarı belə xüsusi edən? Soyuq anbar müasir, ən yeni avadanlıqların istifadə olunduğu mürəkkəb texnoloji bir prosesdir və ənənəvi anbardan daha böyük investisiya tələb edir.

Yəqin təxmin edirsiniz ki, müxtəlif məhsul növləri saxlanılmalı olduqları temperatur dərəcəsindən və soyuq anbar ilə nəqliyyat vasitəsi arasındakı müddətdən asılı olaraq fərqli rəf ömrünə malikdir. Soyuq temperaturda və ya ən azından temperaturuna nəzarət edilməli olan anbarda saxlanılması mütləq olanməhsullar sırasına tez xarab olan qida məhsulları, meyvə və tərəvəz, ət və dəniz məhsulları, süd məhsulları, gül və bitkilər, biofarmaseptik məhsullar, hətta kosmetika, tekstil məhsulları və müəyyən incəsənət əsərləri növləri daxildir.

Soyuq saxlanma prosesi nədir?

Bir istehlakçı kimi təxminən hər gün süd və qatıq, ət və tərəvəzdən istifadə edirik. Bundan əlavə, aldığımız və istehlakçısı olduğumuz məhsulların keyfiyyəti ilə bağlı daima düşünürük. Məhz bu səbəbdən məhsulların saxlanılması və onların keyfiyyəti bizim üçün prioritetdir. Eynilə bizim kimi bu məhsulları istehsal edən şirkətlər də malların təhlükəsiz şəraitdə saxlanılması üçün tədbirlər görürlər. Lakin son tendensiya odur ki, artıq bu kimi məhsulların saxlanılmasına xidmət edən soyuducular soyuq anbarlarla əvəz olunur.

Soyuq anbar ilk növbədə rəf ömrü qısa olan və adi şəraitdə saxlanıldıqda xarab ola bilən malları saxlamaq üçündür. Bu qida məhsulları optimal şəraitdə - ilk növbədə aşağı temperaturlu və hər məhsul üçün tələb olunan rütubət dərəcəsində - saxlanılır. Demək olar ki, soyuq anbardakı bütün otaqlar orada saxlanılacaq məhsullara uyğun şəkildə tərtib olunur və əvvəlcədən konfiqurasiya edilir. Bəzi soyuq otaqların temperatur və rütubəti ehtiyaca uyğun şəkildə tənzimlənə bilir.

Bu məsələ ilə bağlı biz nə edə bilərik?

“Araz” supermarketlərindəki və “Oba” marketlərindəki bütün müştərilərimiz üçün məhsulların keyfiyyəti və təzəliyini təkmilləşdirmək ilə bağlı düşündükdə, öz soyuq anbarımızı yaratmaq qərarına gəldik. Bu logistik mərkəz Bakı şəhəri yaxınlığındakı Məhəmmədi kəndi ərazisində yerləşəcək. Tikinti sürətlə davam edir: artıq polad tökülüb və növbəti həftələrdə daha təməlli işlər başlayacaqdır. Soyuq anbarın 2022-ci ilin noyabr ayında hazır olmasını planlaşdırırıq. Bu layihənin vaxtında və ən yaxşı keyfiyyətlə tamamlanması üçün 25 milyon manat investisiya yatırmaq öhdəliyi götürmüşük. Bundan əlavə, məhsulların mükəmməl keyfiyyətdə çatdırılması və yollarda gedilən məsafəni azaltmaq üçün 35 ədəd ikili temperaturu olan yük avtomobillərinə investisiya yatırırıq.

Təsiri nə olacaq?

Bu distribusiya mərkəzi 11,000 m² sahəyə malikdir və bütün dondurulmuş, təzə ət və süd məhsullarının, həm də meyvə və tərəvəzin təravətli saxlanılmasına xidmət edəcək. Məhsulların mükəmməl şəraitdə saxlanılması üçün temperatur və rütubəti avtomatik tənzimlənəcək və hər hansı bir yayınmalar olarsa, mobil xəbərdarlıq sistemi vasitəsi ilə bu barədə dərhal xəbərdar olacağıq.

Bu mərkəz vasitəsi ilə həftənin 7 günü ərzində 5000 dükana xidmət göstərməyi nəzərdə tuturuq. 600 yeni iş yerinin yaradılması isə bu logistika mərkəzi vasitəsi ilə nail olacağımız önəmli nəticələrdən biridir. Bu, həm də yerli istedadların peşəkar olaraq yetişdirilməsi, insanların karyera ilə təmin edilməsi və dünya səviyyəsində əməliyyatları reallaşdırmaq üçün inkişafı deməkdir. Biz vahid və xərclər baxımından sərfəli olan distribusiya mərkəzimiz vasitəsi ilə müştəri bazamızı yerli və beynəlxalq təchizatçılar üçün əlçatan edəcəyik. Bu anbar yalnız məhsulların təravətli saxlanılmasına deyil, eyni zamanda ərzaq təhlükəsizliyinə xidmət edəcək. Biz həmçinin təzə məhsulları hazırlayan istehsalçılar və fermerlərlə birbaşa əməkdaşlıq edəcəyik.

Böyük şəklə baxsaq deyə bilərik ki, bu mərkəz istehlakçılarla daha geniş çeşiddə və yaxşı keyfiyyətli məhsulları münasib qiymətə əldə etməyə imkan verəcəkdir. Biznesin həcmindən istifadə edərək müştərilərimiz üçün daha münasib qiymətlərin əldə olunması məqsədi ilə daha yaxşı danışıqlar apara biləcəyik və beləliklə, mağazalara məhsulları mümkün olan ən uyğun qiymətə çatdırmaq imkanımız olacaq. Bizim logistika mərkəzimizdə ən müasir avadanlıqlar və dünya səviyyəli əməliyyatların icrası üçün hər cür imkan var. Amma ən dəyərli resursumuz bütün Azərbaycanın müxtəlif məhsullarla təmin olması üçün çalışan peşəkar və zəhmətkeş insanlardan ibarət olan komandamızdır.

Veysəloğlu Şirkətlər Qrupuna daxil olan “AVT Logistika” MMC-yə məxsus 11,000 m² ərazini əhatə edən sahəyə malik yeni təzə və dondurulmuş logistika mərkəzinin bu il istifadəyə verilməsi nəzərdə tutulur. Məhəmmədi ərazisində yerləşəcək müasir logistika mərkəzindən həftənin 7 günü boyunca 5000 mağazaya xidmət göstəriləcək.

Necə oldu ki, yeni mərkəzin inşasına ehtiyac yarandı?

Veysəloğlu Şirkətlər Qrupunun missiyasına uyğun olaraq, əsas hədəflərindən biri də məhsulların düzgün saxlanılmasını, marketlərə vaxtında və təhlükəsiz çatdırılmasını təmin etməkdir. “Araz” supermarketlər şəbəkəsi, “Oba” marketlər şəbəkəsi və “Veysəloğlu Distribusiya” şirkəti vasitəsilə müştərilərə təqdim olunan məhsulların təzəliyinin qorunması məqsədilə soyuq anbarın tikilməsinə ehtiyac yarandı. “AVT Logistika” MMC-nin İdarə Heyətinin sədri Co Daybelin (Joe Dybell) sözlərinə görə, artıq polad tökülüb və növbəti həftələrdə daha əsaslı işlərin görülməsi nəzərdə tutulur.

Bu mərkəzin üstünlüyü nə olacaq?

Co Daybel (Joe Dybell): “Biz soyuq şəraitdə saxlanılmalı olan qidanın istehsalından başlayaraq, daşınma, saxlanma və satış daxil olmaqla, bütün pillələrdə soyuq zəncirin qırılmaması üçün çalışırıq. Vahid distribusiya mərkəzimiz vasitəsilə həm yerli, həm də beynəlxalq təchizatçılarla əməkdaşlıq edəcəyik. Biznesin həcmi müştərilərimiz üçün daha uyğun qiymətlərin əldə olunması ilə bağlı danışıqlar aparmağa imkan yaradacaq və beləliklə, dükanlara ən uyğun qiymətə daşınmalar həyata keçirə biləcəyik”.

Məhsulların mükəmməl şəraitdə çatdırılmasına və yollarda kilometri azaltmağa xidmət edəcək 35 ədəd ikili temperaturu olan yük avtomobillərinin alınması üçün də investisiya yatırımı edilib. Bu nəqliyyat vasitələrinin arxa qismi 2 hissəyə ayrılır və müvafiq avadanlıqlarla təchiz olunaraq lazımi temperaturu saxlaya bilir.

Veysəloğlu Şirkətlər Qrupunun Keyfiyyət İdarəetmə direktoru Anar Cümşüdovun sözlərinə görə, yeni logistika mərkəzində dondurulmuş, təzə ət və süd məhsullarını, həmçinin meyvə və tərəvəzi ən yüksək keyfiyyətlə saxlamaq mümkün olacaq.

Yeni iş imkanları

Yeni mərkəzin açılışı ilə daha 600 nəfər üçün iş imkanı yaradılacaqdır. Bu da istedadların yetişdirilməsinə, karyera ilə təmin edilməsinə və dünya standartlarına uyğun inkişafına töhfə verildiyinin göstəricisidir.

Bu ilin 24 fevralında başlamış münaqişə yalnız geosiyasi durumun deyil, həm də qlobal miqyasda iqtisadi vəziyyətin dəyişməsinə də səbəb oldu. Lakin hələ Rusiya ordusu Ukrayna ərazisinə keçməmişdən əvvəl də son bir il ərzində ərzaq qiymətlərində gözəçarpan artım müşahidə olunurdu. Bu arada son iki ayda insanlar ərzaq qiymətlərində böyük sıçrayışlar gördülər. Qlobal miqyasda ərzaq bir il əvvəlkindən iyirmi faiz daha bahadır, bu ilin yanvarından isə dünyada qiymətlər dörd faiz artıb.

Bu qiymət artımlarına müxtəlif amillər, o cümlədən nəqliyyat xərclərinin artması, tədarük zəncirinin pozulması, habelə qarğıdalı və buğda əmtəə qiymətlərinin artması səbəb olub.

Qılınc kəsməyəni çörək kəsər...

“Avropanın çörək səbəti” hesab olunan Ukraynadakı müharibə artıq qısamüddətli perspektivdə ərzaq qiymətlərinə təsir edib. Ukrayna və Rusiya qlobal buğda istehsalının təxminən 10 və 20 faizini təşkil edir və ümumi buğda ixracının 30 faizi bu iki ölkədən gəlir.

Münaqişə nəticəsində Ukraynadan buğda ixracı dayanıb. Belə ki, bu ölkənin Qara Dənizdəki liman qurğularının fəaliyyəti dayandırılıb və nəticədə 2021-ci ildə yığılan buğda məhsulunun xaricə axınının da qarşısı alınıb. Odur ki, daha yüksək buğda qiymətləri hamı üçün daha yüksək ərzaq qiymətlərinə çevrilməkdədir.

Günəbaxan yalnız tum demək deyil...

Ancaq buğda və çörəyin qiymətində artım qida və ərzaq dəyərinə təsir edən yeganə amil deyil. Ukrayna daha bir mühüm məhsulun ixracatçısıdır. Avropa Ukrayna günəbaxan yağının istehsalının yarısını idxal edir. Məhz bu yağdan bişmiş, konservləşdirilmiş və hazır qidalarda, həmçinin sousların və şorbaların hazırlanmasında istifadə olunur. O, eyni zamanda, qənnadı məmulatlarında geniş istifadə olunur və uşaq qidasının əvəz edilməsi çətin olan tərkib hissəsidir.

Avropa İttifaqının bitki yağı emalçılarının çətir assosiasiyası olan FEDIOL-un baş direktoru Natali Lekok “politico.eu” portalına verdiyi müsahibəsində qeyd edib: “Son hadisələr açıq şəkildə tədarük zəncirinin pozulmasına səbəb olub, çünki biz Ukrayna günəbaxan tumunun yağının Avropaya müntəzəm tədarükündən asılıyıq. Hazırkı vəziyyətdən olduqca narahatıq”.

Bəs bizdə vəziyyət necədir...

"Veysəloğlu" Şirkətlər Qrupunun distribusiya şirkəti “Veysəloğlu” MMC duru yağların təchizatı üzrə ölkə bazarında “Sunar”, “Avedov”, “Qidam” kimi markalarla müəyyən bir paya sahibdir. Hazırda davam edən Rusiya-Ukrayna münaqişəsi səbəbilə istehsalatın bütün sahələrində olduğu kimi, duru yağ istehsalında da ciddi bir sıxıntı yaranıb. “Veysəloğlu” MMC-nin Qastronom və dondurulmuş məhsullar üzrə Marketinq Departamentinin Marketinq meneceri Elmar Çəltikov yaranmış vəziyyəti bu cür təsvir edir:

“Duru yağ qiymətlərində müşahidə olunan 30-50%-ə yaxın qiymət artımı Azərbaycan bazarındakı qiymətlərə də müəyyən bir artımla təsir edəcək. Biz “Veysəloğlu” MMC olaraq, yarana biləcək çətinliyin qarşısını almaq məqsədilə artıq ehtiyat tədarük etmişik. Nəzərinizə çatdıraq ki, hazırda “Veysəloğlu” MMC tərəfindən distribusiya olunan duru yağ məhsullarının qiymətlərində artım olmayıb, lakin qlobal proseslərin fonunda yuxarıda qeyd olunan iqtisadi təsirlər səbəbilə qiymətlərdə müəyyən qədər artım olacağı gözlənilir”.

Qeyd edək ki, dünyada duru yağ istehsalında böyük pay Ukrayna və Rusiya bazarına aiddir. Yaranmış olan vəziyyətlə əlaqədar bir sıra ölkələr müəyyən addımlar atmışdır. Məsələn, Türkiyə ölkə daxilində yarana biləcək sıxıntının qarşısını almaq məqsədilə duru yağ ixracatını dayandırmışdır.

Yaxşı, bəs ət necə...

Mətbəximizin vacib tərkib hissəsi olan ətin də qiymətində dəyişiklik var. Bu da qiymətlərin qlobal miqyasda qalxmasının qaçılmaz bir nəticəsidir. “Veysəloğlu” MMC-nin Qastronom və dondurulmuş məhsullar üzrə Marketinq Departamentinin Marketinq meneceri Pərviz Hüseynov ölkəmizdə dondurulmuş ət məhsulları ilə bağlı vəziyyəti belə izah edir:

“İlk növbədə vurğulayım ki, quş əti Azərbaycana ən çox Ukraynadan idxal edilir. Münaqişənin bölgədə yaratdığı iqtisadi çətinliklər nəticəsində tələbin təklifi keçəcəyi, bunun da qiymətlərə təsiri gözləniləndir. Eyni zamanda heyvan qidasının əsasını Ukrayna və Rusiya təmin etdiyi üçün yemin və nəticə etibarilə quş ətinin qiymətində artımın olacağı qaçılmazdır. Logistikada problemlər də qiymət artımına təsir edən amillərdəndir. Bununla yanaşı, ödəniş proseslərində müəyyən səbəblərdən çətinliklərin yaranması ilə məhsul alışı əvvəlki qaydada həyata keçirilməyəcək. Çünki fabriklərin əksəriyyəti ödənişləri əvvəlcədən tələb edir və təbii ki, bu günkü vəziyyətdə Rusiya və Ukraynaya əvvəlcədən ödəniş risklidir. Alternativ bazar olaraq, Gürcüstan, Türkiyə və İran dəyərləndirilir. Bu ölkələrdən qeyd edilən məhsulların idxalı istiqamətində hazırda dövlət səviyyəsində müvafiq tədbirlər görülür”.

Şirkətimiz tərəfindən bu günkü vəziyyətdə Belarus və Gürcüstandan tədarük üçün lazımi addımları atmışıq. Bununla bağlı fəaliyyətimiz davam edir və müştərilərimizin məhsulla kifayət qədər təminatı üçün çevik şəkildə daim axtarışdayıq.

Ramazan düşüncə, özünü təkmilləşdirmə, xeyirxahlıq və mənəviyyat üçün xüsusi vaxtdır. Oruc tutmaq isə müqəddəs ayın əsas sütunlarından biridir. Orucun sağlamlığınıza və emosional rifahınıza göstərə biləcəyi müsbət təsirlərdən bəziləri bunlardır: “pis” xolesterinin tənzimlənməsi, iştahın cilovlanması, bir ay davam edən detoks və nəhayət, daha yaxşı əhval-ruhiyyə və zehni aydınlıq.

Mənəvi “təmizləmə” ilə yanaşı, oruc tutmaq həyat tərzinizə və həzm sisteminizə müsbət təkan verir. Bədəniniz daha az yeməyə alışdıqca, həzm sisteminiz “dincəlmək” imkanını qazanır və mədəniz tədricən kiçilir. Bu, iştahınızı azaldır və nəticələr bir çox dəbdə olan diyetlərdən daha uzun müddət davam edir.

Oruc tutduğunuz zaman bədən piyi ehtiyatlarınız istifadə olunur. Özünüzü məhdudlaşdırmaq həm də bədəninizi piy yataqlarında ola biləcək zərərli toksinlərdən təmizləyir. Başqa sözlə, bu bir aylıq əsaslı “təmir”dən sonra vücudunuz təbii şəkildə toksinlərdən xilas olunur.

Ramazan ayında sağlamlığınızı yaxşılaşdırmanın yolları

Ramazanın təbii faydaları ilə yanaşı, sağlam yanaşmanı özünüzün mənimsəməyi də vacibdir. Məsələn, iki-üç xurma və ilıq su ilə iftar etmək əsas yeməkdən əvvəl bədəninizə ani enerji qazandırır. Azərbaycan Qida Təhlükəsizliyi Agentliyi (AQTA) yanında İctimai Şuranın üzvü, tanınmış həkim-diyetoloq İlqar Şamilov iftar yeməyinə başlamaq ücün şorba tövsiyə edir:

“Əsas iftar yeməyi üçün yüngül şorba əla seçimdir, çünki uzun müddət ac qaldığımız üçün mədə-bağırsaq problemləri yaşamamağa və həzm prosesinin normal davam etməsinə kömək edir. Ağır, qaymaqlı və qızardılmış qidaların, həmçinin duzlu və ya şəkərli yeməklərin qəbulunu məhdudlaşdırmağa çalışın. Daha yağsız ət parçaları, tam taxıl və ya yeməklərə qarnir olaraq, qəhvəyi düyü, bulğur, qarabaşağı seçməyi, həmçinin tərəvəz və göyərtiləri də daxil etməyi unutmayın!”

Diyetoloq və qastroenteroloqlar yemək yeyərkən tələsməməyi və porsiyalarınızın həcminə nəzarət etməyi məsləhət görürlər. Oruc tutarkən sahur günün ən vacib yeməyi olmalıdır. Veysəloğlu Şirkətlər Qrupuna aid “Xonça” Fabrikinin İstehsalat direktoru, Milli Kulinariya Mərkəzinin üzvü, beynəlxalq dərəcəli jüri və qənnadıçı Rəhman Ələkbərov öz tövsiyələrini bölüşür:

“Sahurunuzu yulaf əzməsi, pendir ya süzmə, meyvə və tərəvəz kimi vitamin və minerallarla zəngin qidalarla balanslaşdırın. Yulaf, bulğur və tam taxıllı çörəklər, badımcan kürəsi və qatıq da daxil olmaqla, aşağı qlikemik indeksi olan bəzi qidalar yaxşı seçimdir, çünki gün ərzində enerjini yavaş-yavaş buraxır. Bol içməyi də unutmayın – su, süd, ayran. Ümumiyyətlə, su və ya şəkərsiz yüngül çay içməyi üstün tutun. Təmizlənmə və həzmə kömək etmək üçün limon dilimləri və ya təzə nanə də əlavə edə bilərsiniz”.

Ramazan həm də siqaret və ya şəkər aludəçiliyi kimi zərərli vərdişlərdən qurtulmaq üçün bir şansdır. Bir az özünüzə nəzarəti gücləndirməklə, siz oruc saatlarında və ondan sonra da asılılıqlarınızdan qorunmağa davam edə bilərsiniz.

İqtisadçılar və analitiklər mürəkkəb iqtisadi məlumatları insanlara sadə dildə çatdırmaq üçün müxtəlif indekslər yaradırlar. Bu indekslər müəyyən dövrü əhatə edən göstəricilərin müqayisəsinə əsasən dəyişiklik dinamikasını ifadə edir. Yeri gəlmişkən, Şirkətlər Qrupumuzun hər ay dərc etdiyi “Veysəloğlu Pərakəndə İndeksi” marketlərimizdə ən yüksək alıcı tələbatı olan məhsullar üzrə qiymət dəyişikliklərini əks etdirir. İndeks artıq ölkəmizin aparıcı maliyyə təşkilatlarının marağına səbəb olub.

Sıravi alıcılara bu indekslərin faydası nədir?

Qiymətləri əks etdirən indekslər bütün istehlakçılar üçün maraqlıdır. Çünki həmin indekslər alıcılara lazım olan məhsulların qiymətlərində dəyişiklikləri izləməyə və öz ailə büdcələrini sistemli şəkildə idarə etməyə imkan yaradır. Müxtəlif ölkələrdə fərqli göstəricilər üzrə şərti indekslər mövcuddur. “Big Mac” indeksi, “Borş” və ya “Paytaxt salatı” indeksləri və sosial şəbəkələrdə populyarlıq qazanmış iqtisadçı Aleksandr Abramovun düşündüyü “Marmelad ayıları” kimi indekslər maraqla izlənilir.

Bizim Abramova “cavab”ımız

Biz də A.Abramovun təşəbbüsündən ilhamlanaraq Novruz bayramı ərəfəsində “Şah plov” və “Qarabağ kətəsi” şərti indekslərini hazırlamağı düşündük. Niyə bu indeksləri şərti adlandırırıq? Çünki bu rəqəmlər müəyyən dövrü əhatə edən müqayisəli göstəriciləri deyil, məhz bu Novruz ərəfəsində qrupumuza daxil olan marketlərdə məhsulların real qiymətlərini əks etdirir.

Şirkətimizin analitiki Fərid Nəbizadə bu təşəbbüsü belə şərh edir: “Hər bir Azərbaycan ailəsinin bayram axşamı süfrəsində plov və milli şirniyyat olur. Biz hesablamalar apardıq və belə bir nəticəyə gəldik ki, 4-5 nəfərlik ailə üçün plov 23,63 manata və “Qarabağ kətəsi” 9,04 manata başa gələcək. Bu rəqəmləri biz marketlərimizdə olan qiymətlərin təhlilinə əsasən əldə etdik”.

Azərbaycan xalqının qədim və zəngin dünyagörüşünün təcəssümü olan Novruz bayramı bu gün də milli-mənəvi dəyərlər və ənənələrlə keçirilir. Novruz bayramını qeyd etmək təzə ili, baharın ilk gününü qarşılamaq deməkdir.

Bu bayramı da xalqımızla birgə qeyd etdik. Novruz ərəfəsində Bakı və Bakı ətrafında yaşayan əhalinin həssas qruplarından olan nümayəndələrini, 225 Qarabağ qazisi, şəhid ailəsi və aztəminatlı ailəni ziyarət etdik, “Araz” supermarketlər şəbəkəsinin hədiyyə kartlarını təqdim etməklə onlara bayram sevinci yaşatdıq.

Veysəloğlu Şirkətlər Qrupu olaraq, yardımsevərliyin ümumi ictimai rifaha və cəmiyyətin bir-birinə mənəvi bağlılığının formalaşmasına müsbət təsir edəcəyinə inanır və bu məqsədlə korporativ sosial məsuliyyət layihəsi çərçivəsində əhəmiyyət kəsb edən addımlar atmağa davam edirik.

15 mart dünyada İstehlakçı Hüquqlarının Müdafiəsi Günü kimi qeyd olunur. İstehlakçı kimi öz hüquqlarımızı bilmək və tələb etmək hər birimizin haqqıdır. Lakin istehlakçılar bu il həm qlobal miqyasda, həm də yerli bazarda qiymət artımı ilə qarşılaşdılar.

Qiymət artımı təkcə Azərbaycanda deyil, bütün dünyada baş verən qaçılmaz prosesdir. BMT-nin Ərzaq və Kənd Təsərrüfatı Təşkilatının məlumatına görə, dünyada ərzaq qiymətləri ötən 10 ildə ən yüksək həddə çatıb. Qiymət artımının əsas səbəbləri ekoloji dəyişikliklər, dünyanın müxtəlif bölgələrində siyasi və sosial qeyri-sabitlik, pandemiya şəraiti, artan yanacaq qiymətləri, logistika prosesinin bahalaşması və xammal qıtlığının yaranmasıdır.

Son iki il ərzində pandemiya nəticəsində tədarük zəncirləri və ticari münasibətlər əsaslı şəkildə sarsılıb. Fevralın sonundan başlayan Rusiya-Ukrayna münaqişəsi nəticəsində idxal-ixrac nəqliyyat xətlərinin sıradan çıxması, iqtisadi, o cümlədən kənd təsərrüfatı fəaliyyətinin dayandırılması həm bölgədə, həm də dünyada qiymətlərin artımına səbəb ola bilər.

Bu vəziyyət buğdanın qiymətinə də təsir edir. Çünki müharibədə tərəflər Avropada əsas taxıl ixracatçılarıdırlar və gələcəkdə regionun da taxılla təchizatda müəyyən çətinliklərlə üzləşməsi mümkündür. Hazırda buğdanın qiyməti son 14 ilin ən yüksək səviyyəsinə çatıb.

Bəs ölkəmizə bu, necə təsir edir?

Dünyadakı mövcud iqtisadi vəziyyət və regiondakı müharibə şəraiti qlobal iqtisadiyyata inteqrasiya etmiş Azərbaycana da təsirsiz ötüşməyib. Doğrudur, həm rəsmi statistika, həm də şirkətimizin dərc etdiyi “Veysəloğlu Pərakəndə İndeksi”nə nəzər salsaq, görərik ki, bazarda qiymətlər artır. Dünya ərzaq bazarlarında məhsulların qiymətlərində müşahidə olunan kəskin bahalaşmanın əhalinin alıcılıq qabiliyyətinə mənfi təsirini azaltmaq üçün dövlətimiz mümkün riskləri nəzarətdə saxlayaraq minimallaşdırmağa çalışır.

Biz də əhalini gündəlik istehlak malları ilə təmin edən qrup olaraq, istehlakçıların maraqlarının qorunmasında məsuliyyətimizi tam şəkildə anlayırıq. Onda sual yaranır ki, bəs biz öz satdığımız məhsulların qiymətlərinin kəskin artmaması məqsədilə hansı tədbirləri görə bilərik?

Biz nə edə bilərik?

İstehlak bazarında kəskin qiymət artımının qarşısını almaq üçün əvvəlcə xərclər optimallaşdırılır. Bu nə deməkdir? İlk növbədə logistika proseslərinin təkmilləşdirilməsi. Məsələn, nisbətən yaxın ərazilərə bir neçə yük maşını əvəzinə, bir irihəcmli yük maşını ilə çatdırılmanı həyata keçirir, beləliklə, yanacaq sərfiyyatına və vaxta qənaət edirik. Meyvə-tərəvəzi yerli fermerlərdən almağa üstünlük veririk. Kiçik sahibkarlarla çalışdığımız üçün “OBA” marketlər şəbəkəsində məhsulları mümkün olan aşağı qiymətə müştərilərə təqdim edirik. Üstəlik, partnyorlarla etibarlı və uzunmüddətli əməkdaşlıq münasibətləri sayəsində idxal olunan məhsulların qiymətinin marketlərimizdə imkan daxilində sabit saxlanılmasına çalışırıq.

Bu yaxınlarda yerli xəbər saytlarının birində bananın qiymətlərində artım ilə bağlı yazı dərc olunmuşdu. Bizə də bu mövzu ilə bağlı sorğu göndərilmişdi. Qrupumuza aid Meyvə-tərəvəz satınalma şirkətinin təmsilçisi Sərdar Ceylan bananın qiymətlərində artımın səbəblərini belə izah edir: “Fevral ayının əvvəlində dünyanın aparıcı banan ixracatçısı olan Ekvadorun özündə də bananın qiymətində artım oldu. Digər səbəblərdən biri də Gürcüstan limanına gələn banan daşıyan gəmilərdəki gecikmə idi. Bundan əlavə, nəqliyyat və konteyner qiymətlərində ötən ilin müvafiq dövrü ilə müqayisədə təxminən 25% qiymət artımı müşahidə olundu. Qiymətə təsir edən başqa amillər sırasında iqlim dəyişikliyi səbəbindən keyfiyyətli məhsulun tapılmasında yaranmış müəyyən çətinliklər var idi”.

Əlavə olaraq, deyə bilərik ki, bazardakı tələb-təklif nisbəti də qiyməti müəyyənləşdirən amillərdən biridir. Ərzaq istehsalçıları qıtlıq, logistikada yaranmış “darboğazlar”, habelə nəqliyyat, hava və əmək problemləri ilə rastlaşmalı oldular. Bütün bunlar ərzaq qiymətlərinin artmasına səbəb olur.

Burada biz nəyə diqqət edirik?

Marketlərimizdə qiymətləri tənzimləmək məqsədilə şirkətimiz vaxtaşırı olaraq rəflərin monitorinqini aparır. Burada bir neçə məqam nəzərə alınır: məhsulların rəflərdə düzülüşü, qiyməti, anbarda miqdarı. Həmçinin distribütor kimi xidmət göstərdiyimiz digər marketlərdə malların satış qiyməti ilə bağlı tədarükçülər ilə şifahi formada maarifləndirici söhbətlər aparırıq və tövsiyələr edirik.

Yuxarıda qeyd etdiyimiz “Veysəloğlu Pərakəndə İndeksi” marketlərimizdə qiymət dəyişikliklərini şəffaf şəkildə göstərmək məqsədilə ən yüksək alıcı tələbatı olan məhsullar üzrə göstəriciləri əks etdirir. İndeks artıq ölkəmizin aparıcı maliyyə təşkilatlarının marağına səbəb olub və ona görə biz bu indeksi hər ayın ilk ongünlüyündə ictimaiyyət və maliyyə qurumları ilə paylaşırıq.

Azərbaycanın distribütorluq bazarının liderlərindən olan “Veysəloğlu” MMC istehsal və biznes proseslərini SAP S/4HANA platformasına keçirməklə fəaliyyətində rəqəmsallaşmanın rolunu əhəmiyyətli şəkildə artırdı!

Rəqəmsal layihə şirkətin logistika, daşınmaz əmlakın idarə edilməsi, satış və satınalma, istehsalat, insan resursları daxil olmaqla, bütün departamentlərini əhatə edir. Proqramın 24 modulunun eyni anda tətbiqi şirkətimizin bütün əməliyyat sistemlərinin etibarlı şəkildə işlədiyindən əmin olmağa, eləcə də biznesin aktiv şəkildə inkişaf etdiyini nəzərə almaqla, zəruri prosesləri tez və səmərəli şəkildə genişləndirməyə imkan verəcək.

SAP S/4HANA müəssisə resurslarının planlaşdırılması üzrə dünyada lider sistem olaraq ən uğurlu pərakəndəçilərin seçimidir. Bu proqram təminatından həm əməkdaşlarımız, həm biznes proseslərimiz, həm də şirkətimiz faydalanacaq. Beləliklə, bu biznes üçbucağında hər üç tərəf beynəlxalq təcrübəyə çıxış əldə edəcək. Həmçinin bütün biznes proseslər əvvəldən sona qədər bir sistemdə idarə olunacaq, bununla da “ucdan-uca” prinsipi ilə bütün proseslərin izlənilməsi mümkün olacaq.

Veysəloğlu Şirkətlər Qrupunun qarşısında dayanan əsas vəzifələrdən biri biznesin daha da inkişafı üçün yenilikləri tətbiq etməkdir və bu proses davamlı olaraq həyata keçiriləcəkdir. Bu yolda əməyi keçən bütün həmkarlarımıza təşəkkür edirik!

Veysəloğlu Şirkətlər Qrupu (VŞQ) yenidən “Gələcəyini Qur” təşəbbüsünə qoşularaq gənclərin bacarıq və biliklərini artırmaqla onların sosial inkişafı üçün imkanlar yaratmaqda davam edir. Bu layihə çərçivəsində Şirkətlər Qrupu aztəminatlı ailələrdən olan gənclərin universitetlərə hazırlaşmasına dəstək verir.

Layihə iştirakçıları 11-ci sinif şagirdlərini, eləcə də fiziki məhdudiyyəti olan və yaxud xüsusi qayğıya ehtiyacı olan orta məktəb məzunlarını əhatə edir. Dərslər vasitəsilə qəbul imtahanına hazırlıqları təşkil etmək və müxtəlif növ sosial fəaliyyətlərdə iştiraklarını təmin edərək cəmiyyətə inteqrasiyaya köməklik göstərmək “Gələcəyini Qur” layihəsinin əsas iki məqsədidir.

Bu ilki layihədə VŞQ Bakının Sabunçu rayonundan olan 12 şagirdə dəstək olacaqdır. Məktəblilərə universitetə hazırlıqla yanaşı, sağlam həyat tərzi ilə bağlı faydalı alışqanlıqların yaradılması da layihənin fəaliyyətinə daxildir. Veysəloğlu Şirkətlər Qrupunun ötən illər ərzində sponsorluq etməsi sayəsində Bakıda və regionlarda yaşayan 40-dan çox gənc ali məktəbə qəbul olmaq imkanından faydalanıb.

Korporativ Sosial Məsuliyyət siyasətində təhsilə dəstək istiqamətində bir çox faydalı layihədə yer alan Veysəloğlu Şirkətlər Qrupu növbəti illərdə də bu təşəbbüsü dəstəkləməyi planlayır.

19 minə yaxın insanın iş yeri olan Veysəloğlu Şirkətlər Qrupu istehsal, distribusiya, logistika, pərakəndə satış daxil olmaqla, tədarük zəncirinin müxtəlif sahələrini əhatə edir.

“Ərzaq təhlükəsizliyinin təmin olunması üçün mükəmməl sistemlər kifayət etmir, ən yaxşı nəticələr ölkəsini və öz işini sevən insanlar sayəsində əldə olunur”

Həyatımızı davam etdirə bilməyimiz üçün ərzaq təhlükəsizliyinin hava, su qədər zəruri olduğu hamımıza aydındır. İqtisadiyyatdan bir az anlayanlara isə buna nail olmaq üçün tədarük zəncirinin əhəmiyyəti də aydındır. Bu maraqlı mövzuda bilmədiklərimizi eşitmək üçün tədarük zəncirinin müxtəlif sahələrini əhatə edən qabaqcıl və çoxşaxəli FMCG (gündəlik istehlak malları) qrup olan Veysəloğlu Şirkətlər Qrupuna (VŞQ) müraciət etdik.

Marja.az-ın müsahibi Şirkətlər Qrupunun ən dinamik və yenilikçi şirkətlərindən olan “AVT Logistika” MMC-nin İdarə Heyətinin sədri Co Daybeldir.

- Tədarük zəncirini bir ölkənin davamlı inkişafı ilə necə əlaqələndirə bilərsiniz? Məhz sizin biznesin bu inkişafdakı rolunu qısaca təsvir edə bilərsinizmi?

- Konkret danışmağı sevən biri olaraq, birbaşa mövzuya keçdiyiniz üçün sizə təşəkkür edirəm. Biz logistika biznesimizlə istehlakçılara seçim imkanı verməklə yanaşı, digər bizneslərin və eləcə də ölkə iqtisadiyyatının inkişafı üçün çalışırıq. Logistika həm də fərdi istehsalçılara onlar üçün əlçatan olan kiçik regionların hüdudlarına çıxmağa və ölkə üzrə bütün istehlakçılara məhsul təklif etməyə imkan yaradır. Biz 15,000-dən çox marketlə əməkdaşlıq edirik. Beləliklə, həm müştərilərimizi geniş çeşid və fərqli məhsullarla təmin edirik, həm də daha çox dükan açılmasına, icarə haqqı ödənilməsinə, tədarük zəncirinin iştirakçılarına daha çox gəlir əldə etməsinə və nəticədə vergi ödəməklə ölkənin inkişafına töhfə veririk. Əsas məqsədimiz davamlı təkmilləşmə ilə biznes tərəfdaşlarımızın xərclərini və yük maşınlarımız tərəfindən qət olunan məsafəni azaltmaqdır. Bu isə öz növbəsində məhsulun marketə çatdırılma xərcini azaldır, beləliklə, məhsulun satış qiyməti azalır və çatdırdığımız məhsul müştəri üçün daha əlçatan olur. Qət edilən məsafənin azaldılması həm də yanacaq sərfiyyatını azaldır, bununla da karbon qazının normadan çox olmaması və daha təmiz hava üçün çalışırıq. Təchizat zəncirinin effektiv idarə edilməsi istehlakçılar, bizneslər, daşınmaz əmlak sahibləri və ümumilikdə ölkə üçün böyük əhəmiyyət kəsb edir.

- Logistika anbarınız Cənubi Qafqazda ən böyük anbarları olaraq tanınır. Deyə bilərsinizmi, qida təhlükəsizliyini və yüksək standartlardan irəli gələn tələbləri necə təmin edə bilirsiniz və məhsulların qeydinə necə qalırsınız?

- Bölgənin ən böyük qapalı anbarını idarə etmək böyük məsuliyyətdir və buradakı proseslər saat kimi dəqiq işləməlidir. Qida təhlükəsizliyində əsas məsələ məhsulların düzgün temperatur və nisbi rütubətdə saxlanılmasıdır. Mərkəzimizdə məhsulların lazımi şəraitdə saxlanılması üçün xüsusi soyudulmuş korpuslar var: məsələn, meyvə və tərəvəzlər +15 dərəcə, donmuş qidalar -18 dərəcədə saxlanılır. Anbarımıza daxil olanda məhsulların düzgün temperaturda saxlanıldığından əmin olmaq məqsədilə davamlı olaraq yoxlamalar həyata keçirilir. Məhsul anbarımızdan çıxdıqdan sonra onun marketə yüksək keyfiyyətlə çatdırılması üçün məsuliyyət daşıyırıq. Belə ki, daşınmanı xüsusi soyuduculu yük maşınlarında həyata keçiririk. Biz həm də malların çeşidlənmə və anbarda saxlanılmasını düzgün təşkil edirik. Nümunə kimi deyə bilərəm ki, qida məhsulları ev üçün lazım olan digər mallardan, məsələn, təmizlik vasitələrindən ayrı saxlanılır. Biz istisnasız bütün təməl prinsiplərə ciddi yanaşır və bu sənayenin tələblərinə və təbii ki, məntiqi qaydalara əməl edirik. Artıq anladığınız kimi əsas işimiz məhsulların düzgün saxlanılmasını və marketlərə vaxtında və təhlükəsiz çatdırılmasını təmin etməkdir.

- Bəs haqqında çox danışılan ərzaq təhlükəsizliyi barədə nə deyə bilərsiniz? Xüsusilə də təchizat zəncirinin ciddi ziyan gördüyü koronavirus (COVID-19) pandemiyası dövründə hansı tədbirləri görmüşdünüz?

- Maraqlı məqama toxundunuz. Həqiqətən də, pandemiya sanki bütün dünyanı arxayınlıq yuxusundan ayıltdı və hər kəs bəzi sahələrin, xüsusi ilə tibb və qida sahəsinin vacibliyini daha yaxşı anlamağa başladı. Biz cəmiyyəti təmiz, sağlam, keyfiyyətli və münasib qiymətə qida ilə təmin etmək missiyamızın nə qədər böyük öhdəlik olduğunun fərqindəyik. Əvvəla deyim ki, biz məhsulun orijinal olduğuna əminlik üçün yalnız etibarlı tədarükçülərlə əməkdaşlıq edirik. Məsələn, ekspeditor beynəlxalq tədarükçüdürsə, bu şəxsin rəsmi nümayəndə olması ilə bağlı istehsalçıdan təminat alırıq. Ciddi şəkildə etibarlılığın qeydinə qalırıq və beləliklə, müştərimizin narahatlığına səbəb yaranmamasına nail oluruq. Pandemiya dövründə biz müştərilərimizin ehtiyaclarını davamlı olaraq təmin edə bilmək üçün zəruri malları əlavə tədarük etməklə ehtiyat tədbirləri gördük. Öhdəlik götürdük ki, hətta təchizat zənciri tam pozulsa belə, müştərilərimizin çətinlik çəkməməsi və zəruri mallarla təchiz olunması üçün 4 aylıq ehtiyatımız olsun. Ən ekstremal vəziyyətlərdə ehtiyaclarımızı proqnoz edən ağıllı alqoritmlərimiz var, beləliklə, tədarükçü mövsümdən asılı olaraq fəaliyyətini dayandırsa belə, müştərilərimizi təmin etmək üçün kifayət qədər ərzaq ehtiyatımız var.

- Logistika və təchizat bazar qiymətlərinə təsir gücü olan kifayət qədər bahalı əməliyyatlardır. Bütün bunlar adi müştərini əsas maraqlandıran məsələ olan pul üçün yaxşı dəyər yaratmaq qabiliyyətinizə təsir göstərirmi?

- Doğrudur, logistika bahalı əməliyyatdır və eyni zamanda uzunmüddətli strategiya hazırlamaq üçün biznesin uzaqgörən liderə ehtiyacı var. Bəzi logistika binaları 40 il və ya daha çox müddətdə fəaliyyət göstərir. Ərazinin sahəsi, binanın forması və ölkədəki coğrafi yerləşməsini təyin etmək üçün bazarı anlamaq və məqsədləri düzgün təyin etmək lazımdır. Təbii ki, mərkəzləşdirilmiş logistika və təchizat hər bir dükana ayrıca bir tədarükçünün mal çatdırmasından daha ucuz başa gəlir. Çünki mərkəzləşdirilmiş yanaşma əslində yerli və regional məhsulları istehlakçılara daha yaxşı qiymətə təklif edə bilmək imkanı verir. Hər şeydən əlavə, mərkəzləşdirilmiş biznes yollardakı yük avtomobillərinin sayını azaldır, bu isə nəqliyyatın daha az sıxlığı və şəhərlərimizdə daha təmiz hava deməkdir.

- Davamlılıq dedikdə əksəriyyət yenidən emal haqqında danışır. Siz də bu fəaliyyət istiqamətini şirkətinizin əməliyyatlarında nəzərə alırsınızmı?

- Haqlısınız, yenidən emal davamlılıq üçün əsas şərtlərdən biridir. Belə ki, tullantılardan düzgün yararlanmaqla xərclərin effektiv idarə olunmasına və ətraf mühitə zərərin azaldılmasına nail olmaq mümkündür. Biz distribusiya mərkəzimizdə plastmas, karton tullantıları və taxta paletlərin yenidən emalını da proseslərimizə daxil etmişik. Hətta qutu alınmasını azaltmaq və növbəti illərdə digər bizneslərə təklif etmək üçün dəfələrlə istifadə oluna bilən plastmas konteynerlər hazırlamaq üzrəyik. Biz həm də bir sıra yük maşınımızda yenidən emal edilmiş təkərlərdən istifadə haqqında düşünürük. Plastmas və kartondan istifadəni azaltmağa yönəlmiş təşəbbüslər üzərində çalışır və inkişafa nail olmaq üçün avtomatlaşdırılmış həlləri araşdırırıq. Mərkəzləşdirilmiş təchizat zənciri modeli bir çox tədarükçünün sifarişlərini bir dəfəyə çatdırmada birləşdirə bilir və buna görə də bu model birbaşa dükana modelindən daha effektivdir.

- Əməliyyatlarınızın daha effektiv olması və fiziki əməyin azaldılması üçün hansı addımları atırsınız?

- “Daha effektiv olmaq üçün nə edirik?” – bu, hər zaman özümüzə verdiyimiz çox yaxşı suallardandır. Əslində biz, logistika sahəsinin adamları, hər saatımızı daha effektiv ola bilmək ilə bağlı fikirləşərək keçiririk. Biz skan maşınları ilə kağızsız sifariş qəbulunu həyata keçiririk və hətta səs əmrləri vasitəsilə sifarişlərin toplanılması imkanları haqqında araşdırma aparırıq. Düşünürük ki, hər bir sifarişin alınması bir neçə saniyə təşkil etməlidir ki, nəticədə müştəri üçün dəyər yaradaraq onun vaxtına qənaət edilsin. Biz yollarda daha çox avtomobil olmasının qarşısını almaq üçün daha böyük yük avtomobillərinə sərmayə yatırırıq. Geri qayıdarkən tədarükçülərdən məhsulların alınması və proqnoz alqoritmimizdən istifadə edərək tələbin daha yaxşı proqnozlaşdırılması və anbarda bütün məhsulların ehtiyatının saxlanılması da planlarımıza daxildir. Biz çatdırmanı sürətlə və sadə proseslə həyata keçirə bilmək üçün “ağıllı kilid” texnologiyasına investisiya yatırmışıq, bu texnologiya imkan verir ki, yük maşını mağazaya yaxınlaşanda GPS və radar texnologiyasından istifadə ilə mağazanın anbar qapısı açılsın və bağlansın, bunun üçün orada hər hansı bir mağaza əməkdaşının olmasına ehtiyac yoxdur. Bu proses səmərəliliyi artırır, belə ki, daşımalar gecə saatlarında həyata keçirilərək nəqliyyat vasitələrimiz tıxacda vaxt itirmir və eyni zamanda o saatlarda mağaza əməkdaşlarının işdə olmasına ehtiyac qalmır.

Biz əməkdaşlarımızı dinləyir, sistemlərimizi onların ideya və təkliflərinə uyğun çalışdırırıq, bütün prosesin daha asan, daha məntiqli və daha effektiv olmasına belə nail oluruq. Nəticə etibarilə bu fərqi yaradan yalnız alqoritmlər və avadanlıqlar deyil, əsasən insanlardır. Son bir neçə ildə biz 2000-dən çox iş yeri yaratmışıq. Qeyd edim ki, hazırda rəhbər vəzifələrdə çalışan insanların əksəriyyəti sahədə sifariş toplayan olaraq işə başlamış və hazırda menecer kimi fəaliyyət göstərən əməkdaşlardır. Yəni biz insanları yalnız işlə təmin etmirik, həm də onların karyera qurmasına şərait yaradırıq.

- Əməkdaşlarınızın peşəkar inkişafı, sağlamlığı və təhlükəsizliyi ilə bağlı hansı təşəbbüsləriniz var?

- İnsanlar bizim ən dəyərli aktivlərimizdir. Bu baxımdan həm əməkdaşlarımızın, həm də tərəfdaşlarımızın təhlükəsizliyi bizim üçün böyük əhəmiyyət kəsb edir. Distribusiya mərkəzlərimizdəki komandalar SƏTƏM təlimləri keçmiş, təhlükəsizlik geyimləri ilə təmin olunmuşlar və bu prosesə ciddi nəzarət olunur. Biz elə korporativ mədəniyyət yaratmışıq ki, hansısa potensial təhlükənin dəyərləndirilməsi və qarşısının alınması üçün hər kəs öz peşəkar rəyini açıq şəkildə ifadə etməyə dəvət olunur. Yeri gəlmişkən, bütün yük avtomobillərimizə GPS vasitəsilə nəzarət olunur, beləliklə, yalnız onların harada olduqlarını deyil, sürət və avtomobilin keyfiyyətli idarə edilməsini də izləyirik. Bununla da həm sürücülərin, həm də ümumi ictimaiyyətin təhlükəsizliyini təmin etmiş oluruq. Menecerlərimiz və rəhbər heyətimiz səriştəli kadrlardan ibarətdir, onlar yalnız hər kəsin işini icra etməsi və təhlükəsizliyi üçün çalışmır, həm də öz davamçılarının yetişdirilməsi üzərində işləyirlər. Nümunə üçün deyim ki, biz “Fəhlədən Mütəxəssisə” adlı bir proqram hazırlamışıq və burada məqsəd sıravi heyətin bacarıq və təcrübəsini artıraraq menecer vəzifələrinə yüksəldilməsidir. Biz həmçinin rəhbərlərin gələcəkdə daha güclü liderlərə çevrilməsini təmin etmək kompleks qiymətləndirmə sistemini (“scorecard”) tətbiq edirik. Əməkdaşlarımızı düşünməyə dəvət etmək üçün müxtəlif mövzularda təlimlər keçiririk. Bu yaxınlarda dünyanın ən böyük təchizat zəncirlərindən olan “Amazon modeli” barəsində düşündürücü söhbət formatında təlim təşkil edilmişdi. Biz “Amazon” və digər bu kimi uğurlu şirkətlərdən nələri öyrənə biləcəyimiz və Azərbaycanda hansı təcrübələri tətbiq edə biləcəyimiz haqqında davamlı olaraq fikir mübadilələri aparırıq.

Hər açılan sabah bizə bu və ya digər sahədə daha effektiv olmaq üçün şans yaradır. Bütün bu sınaqlarla dolu prosesdə xüsusi əzmlə çalışan komandamızın zəhmətini hər zaman dəyərləndirməyə çalışırıq.

- Müsahibə üçün təşəkkür edirik.

Hər bayramı xalqımız ilə birgə qeyd etməkdən qürur duyuruq. Ənənəmizə sadiq qalaraq, Dünya Azərbaycanlılarının Həmrəyliyi Günü və Yeni il ərəfəsində Bakıda yaşayan əhalinin həssas qruplarından olan nümayəndələrini, 222 Qarabağ qazisi, şəhid ailəsi və aztəminatlı ailəni ziyarət etdik, “Araz” supermarketlər şəbəkəsi və “OBA” marketlər şəbəkəsinin hədiyyə kartlarını təqdim etməklə onlara bayram sevinci yaşatdıq.

Veysəloğlu Şirkətlər Qrupu olaraq, yardımsevərliyin ümumi ictimai rifaha və cəmiyyətin bir-birinə mənəvi bağlılığının formalaşmasına müsbət təsir edəcəyinə inanır və bu məqsədlə korporativ sosial məsuliyyət layihəsi çərçivəsində əhəmiyyət kəsb edən addımlar atmağa davam edirik.

Gələcək nəslin inkişafı birbaşa onun sağlam qidalanmasından asılıdır. İnsanlar sağlam və fəal həyat tərzi keçirmək üçün istənilən vaxt kifayət miqdarda keyfiyyətli qida əldə edərsə, qida təhlükəsizliyi təmin olunmuş sayılar.

Əhaliyə təhlükəsiz və etibarlı qida məhsulları təqdim edən Veysəloğlu Şirkətlər Qrupunun əsas missiyası da budur: cəmiyyəti təmiz, sağlam və keyfiyyətli, eyni zamanda münasib qiymətə gündəlik istehlak malları ilə təmin etmək! Bu missiyadan çıxış edərək 2016-cı ildə yaradılan “Xonça” Fabriki sayəsində marketlərdəki satış sahələrində standart keyfiyyət və gigiyena təmin olunub. Belə ki, un məmulatları artıq marketlər daxilində deyil, yalnız mərkəzləşmiş qaydada donmuş və bişmiş məhsul şəklində istehsal edilir.

Şirniyyat və un məmulatlarının istehsalı, ət istehsalı və keytrinq xidməti əsas fəaliyyət istiqamətlərimizdir

Azərbaycan bazarında milli brendə çevrilən “Xonça” Fabrikində müxtəlif növ ətirli çörəklər, bulkalar, Şərq və Avropa mətbəxinə məxsus tort və şirniyyatlar original reseptlərlə hazırlanır. Uşaqlığımızı xatırladan “Abşeron” və “Nağıl” tortları buna ən gözəl nümunədir.

Paketli hazır məhsullarla süfrələrə ləzzət gətirən “Xonça” həm də ölkə bazarında qlütensiz və “Milföy” məhsullarını istehsal edən ilk müəssisələrdəndir. Fabrikin peşəkar mütəxəssisləri tərəfindən xüsusi resept və texnologiya ilə hazırlanan, zərif dada malik şirniyyatlar “Araz” və “Spar” supermarketlər şəbəkəsinin mağazalarında müştərilərə təqdim olunur.

“Xonça” Fabrikinin digər önəmli fəaliyyət istiqaməti yalnız yerli cins heyvanların ətindən istifadə etməklə həyata keçirilən ət emalıdır.

Heyvanların qəbulu zamanı dana əti cəmdəyinin maksimal xalis çəkisinin 210 kiloqram, qoyun əti cəmdəyinin isə 18 kiloqrama qədər olmasına diqqət edilir. Təzə ət emal olunaraq “Araz” və “Spar” supermarketlər şəbəkəsinin mağazalarında satışa çıxarılır.

“Xonça” hazırda 10 şirkətə korporativ keytrinq xidməti göstərir. Fabrik həm yerində istehsal və xidmət, həm də termoboks və birnəfərlik qablarda çatdırılma edir.

Sadəcə Abşeron rayonunun Məhəmmədi ərazisindəki mətbəx gündəlik 10.000 porsiya yemək hazırlamaq potensialına malikdir.

Məqsədimiz əhalini qida və ərzaq təhlükəsizliyi ilə təmin etməkdir

İstər inqrediyentlər, onların saxlanma və istifadə şərtləri, istərsə də yeməyin hazırlanması daxili Keyfiyyətə nəzarət departamenti tərəfindən daima yoxlanılır və hər gün Azərbaycan Respublikasının Qida Təhlükəsizliyi Agentliyinə nümunələr təqdim edilir.

“Xonça” Fabrikinin İstehsalat Departamentinin müdiri Rəhman Ələkbərov həm də beynəlxalq dərəcəli jüri, beynəlxalq dərəcəli usta, Milli Kulinariya Mərkəzinin üzvüdür. O, “Süfrə” jurnalına gözlənilən yeniliklərlə bağlı maraqlı məqamları açıqladı: “Hazırda “Xonça” Fabrikinin illik ümumi istehsal həcmi 8.000 tondur. 2022-ci ildə istehsal və satış dövriyyəsinin 60% artırılması nəzərdə tutulur. Bundan əlavə, növbəti ildə yeni texnologiyalardan istifadə və yeni sərmayələrin qoyuluşu planlaşdırılır. Fabrikimizdə yarı-bişmiş donmuş və tam bişmiş donmuş texnologiyalar tətbiq olunacaq ki, bu da marketlərdə müştərilərimizə məhsulları tam çeşidlə, qısa zaman ərzində, daha çevik və isti-isti çatdırmaq imkanı yaradacaq”.

Məhsulların hazırlanmasında keyfiyyətli xammal və inqrediyentlərdən istifadəsi və mövcud imkanları hesabına “Xonça” Fabriki əhalinin qida və ərzaq təhlükəsizliyi ilə təminatına öz töhfəsini verir.

Veysəloğlu Şirkətlər Qrupu vətən uğrunda yaralananların və şəhid ailələrinin təminatına dəstək məqsədilə yaradılmış “YAŞAT” Fonduna 30.000 manat ianə edib. İanə Veysəloğlu Şirkətlər Qrupu və Azərbaycan Rəssamlar İttifaqının təşkilatçılığı, “YAŞAT” Fondunun tərəfdaşlığı ilə keçirilən “Qayıdış” Qəhrəmanlara Dəstək sərgisindən əldə edilib.

Sərgidə müxtəlif mövzuları əhatə edən 50-yə yaxın əsər nümayiş olunub. Əsərlərin satışından əldə edilən gəlirin 30 faizi rəsm əsərlərinin müəlliflərinin hesabına köçürülüb. Ziyarətçilərin ən çox marağını cəlb edən əsərlərin müəlliflərinə (Röya Həsənova, Təranə Seyid və Nəzrin Xələfova) diplomlar təqdim edilib.

Qeyd edək ki, 44 günlük Vətən müharibəsi dövründə Şirkətlər Qrupu tərəfindən Silahlı Qüvvələrə Yardım Fonduna və “YAŞAT” Fonduna ümumilikdə 2 milyon AZN vəsait köçürülüb. Bundan əlavə, qrupa daxil olan şirkətlər (“Veysəloğlu” MMC, “Araz” supermarketlər şəbəkəsi, “OBA” marketlər şəbəkəsi, “Ulduz” Şokolad Fabriki, “AVT LOGİSTİKA” MMC, “V-Trade” şirkəti, “VG” şirkəti, “Vesta-Horeca” şirkəti, “Xonça” Fabriki) tərəfindən müdafiə xarakterli obyektlərin möhkəmləndirilməsi üçün texnika və vasitələr hərbi hissələrə və müvafiq dövlət strukturlarına təhvil verilib.

10 yaşlı Xaqan Əhməd növbəti uğuru ilə bizi sevindirdi. 3-12 dekabrda onlayn formatda keçirilən, Avropanın müxtəlif ölkələrindən 80-nə yaxın şahmatçının qatıldığı şahmatın rapid növü üzrə Avropa məktəblilərinin çempionatında U10 kateqoriyasında Xaqan 2-ci yerə çıxdı.

Veysəloğlu Şirkətlər Qrupu olaraq dəstək olduğumuz Xaqan 4 yaşından etibarən şahmatla məşğuldur. İlk dəfə 6 yaşında Bakı şəhəri üzrə çempion olub, sonrakı illərdə ölkə və beynəlxalq səviyyəli yarışlarda qalibiyyət əldə edib.

Şahmatçımızı ürəkdən təbrik edir, yeni-yeni uğurlar arzulayırıq!

Müştərilərimizin ən çox satın aldığı 4317 adda məhsulu nəzərə alaraq hazırladığımız aylıq pərakəndə satış indeksini növbəti ayın 6-cı iş günü ictimaiyyət və maliyyə qurumları ilə paylaşırıq. Bu siyahıya təzə qida (qısamüddətli istifadəyə yararlı istehlak məhsulları), qida və spirtsiz içkilər, həmçinin spirtli içkilər və tütün məmulatları daxildir.

Orta illik göstəriciyə əsasən noyabr ayı üzrə qiymətlərdə 5,7% artım olub.

2021-ci ilin noyabr ayında “Veysəloğlu Pərakəndə İndeksi”nə daxil edilən məhsulların qiymətində 2020-ci ilin noyabr ayına nisbətən 10,7% artım olub. Qeyd edək ki, 2021-ci ilin noyabr ayında təzə qida məhsullarının (qısamüddətli istifadəyə yararlı istehlak məhsulları) qiymətində 2020-ci ilin noyabr ayına nisbətən 10,6%, qida və spirtsiz içkilərdə 12,5%, alkoqol və tütün məmulatlarında isə 6,2% artım müşahidə edilib.

Veysəloğlu Şirkətlər Qrupu və Azərbaycan Rəssamlar İttifaqının təşkilatçılığı, “YAŞAT” Fondunun tərəfdaşlığı ilə 5-11 noyabr tarixlərində “Qayıdış” adlı Qəhrəmanlara Dəstək sərgisi keçirildi. Zəfər Gününə həsr edilən sərgidə millət vəkilləri, ictimai xadimlər, əməkdar rəssamlar, sənətşünaslar və kütləvi informasiya vasitələrinin nümayəndələri iştirak etdilər.

Tədbir başlamazdan əvvəl böyük zəfəri xalqımıza yaşadan şəhidlərimizin ruhu 1 dəqiqəlik sükutla anıldı. Giriş sözü ilə çıxış edən Şirkətlər Qrupunun Müşahidə Şurasının sədri Aydın Talıbov, Azərbaycan Respublikasının xalq rəssamı, Azərbaycan Rəssamlar İttifaqının sədri Fərhad Xəlilov və Fondun rəhbəri, Qarabağ qazisi Elvin Hüseynov bu tarixi günün əhəmiyyətindən və sərginin keçirilmə məqsədindən söhbət açdılar. Bildirildi ki, qəhrəmanlar və onların ailələrinə dəstək olmaq məqsədi ilə təşkil edilən bu sərgiyə qısa zaman kəsiyində 100-dən artıq müraciət olunub, 50-yə yaxın əsər nümayiş üçün qəbul edilib.

Sərgidən əldə edilən gəlirin 70 faizinin “YAŞAT” Fondunun, 30 faizinin isə rəsm əsərlərinin müəlliflərinin hesabına köçürülməsi nəzərdə tutulub.

Sərgi günlərində müxtəlif mövzuları əhatə edən rəsm əsərləri ilə yaxından tanış olan ziyarətçilər bəyəndikləri əsərləri alaraq Azərbaycanın ərazi bütövlüyü uğrunda canından keçmiş və mübarizə aparmış qəhrəmanlara və onların ailələrinə dəstəyi ifadə etmiş oldular. Sərgi çərçivəsində rəssamlar arasında müsabiqə keçirildi və qaliblərə hər üç təşkilatın imzası olan diplomlar təqdim edildi.

Müştərilərimizin ən çox satın aldığı 4317 adda məhsulu nəzərə alaraq hazırladığımız aylıq pərakəndə satış indeksini növbəti ayın 6-cı iş günü ictimaiyyət və maliyyə qurumları ilə paylaşırıq. Bu siyahıya təzə qida (qısamüddətli istifadəyə yararlı istehlak məhsulları), qida və spirtsiz içkilər, həmçinin spirtli içkilər və tütün məmulatları daxildir.

Orta illik göstəriciyə əsasən oktyabr ayı üzrə qiymətlərdə 5% artım olub.

2021-ci ilin oktyabr ayında “Veysəloğlu Pərakəndə İndeksi”nə daxil edilən məhsulların qiymətində 2020-ci ilin oktyabr ayına nisbətən 10,1% artım olub. Qeyd edək ki, 2021-ci ilin oktyabr ayında təzə qida məhsullarının (qısamüddətli istifadəyə yararlı istehlak məhsulları) qiymətində 2020-ci ilin oktyabr ayına nisbətən 10,9%, qida və spirtsiz içkilərdə 10,8%, alkoqol və tütün məmulatlarında isə 5,8% artım müşahidə edilib.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.

Özündə distribusiya, istehsalat, pərakəndə satış, tədarük zəncirinin idarəolunması kimi istiqamətləri birləşdirən və dayanmadan Azərbaycan iqtisadiyyatının güclənməsi üçün çalışan Veysəloğlu Şirkətlər Qrupu ümumilikdə 9 şirkət, 17000-dən çox əməkdaşı əhatə edir, həm də davamlı olaraq yeni iş yerləri yaratmağın və əməkdaşların rifah halını yaxşılaşdırmağın qürurunu yaşayır.

Bu illər ərzində bizimlə birlikdə olduğunuz üçün təşəkkür edirik!

1 noyabrda Veysəloğlu Şirkətlər Qrupuna təşkil edilən media-tur çərçivəsində jurnalistlər Cənubi Qafqazın ən böyük qapalı anbarı, 2022-ci ildə istifadəyə hazır olacaq yeni təzə və dondurulmuş logistika mərkəzi, şirniyyat və un məmulatlarının istehsalı, ət istehsalı və ketrinq xidmətləri istiqamətlərində fəaliyyət göstərən milli brend “Xonça” Fabriki, Azərbaycan bazarında ilk dəfə “Qlütensiz” və “Milföy” məhsullarının istehsal edilərək satışı, gündəlik 10.000 porsiya yemək hazırlamaq potensialına malik mətbəx və digər yeniliklər barədə elə yerindəcə tanış oldular.

“AVT LOGİSTİKA” MMC və “Xonça” Fabrikindəki iş prosesini izləyən media nümayəndələri sonda öz mətbəx bacarıqlarını nümayiş etdirərək tort hazırladılar və çay süfrəsində maraqlı suallar ətrafında fikir mübadiləsi aparıldı.

10 yaşlı Cahandar Azadəliyev daha bir uğuru ilə bizi sevindirdi. 9-15 oktyabrda keçirilən, 9 rayon və şəhərdən 100-dən çox məktəbli-şahmatçının mübarizə apardığı turnirin qalibi Veysəloğlu Şirkətlər Qrupu olaraq dəstək olduğumuz məktəbli Cahandar oldu.

Qeyd edək ki, bu şahmat turniri mərhum gənclər və idman naziri, görkəmli ictimai-siyasi xadim Azad Rəhimovun xatirəsinə həsr olunmuşdu.

On ildən artıqdır ki, korporativ sosial məsuliyyət strategiyasına uyğun olaraq yüksək intellekt tələb edən şahmat idman növündə gənc idmançıların karyerasına dəstək göstərən Veysəloğlu Şirkətlər Qrupunun bütün kollektivi şahmatçımızı qələbə münasibətilə ürəkdən təbrik edir, yeni-yeni uğurlar arzulayır!

Müştərilərimizin çox satın aldığı 4317 adda məhsulu nəzərə alaraq hazırladığımız aylıq pərakəndə satış indeksini növbəti ayın 6-cı iş günü ictimaiyyət və maliyyə qurumları ilə paylaşırıq. Bu siyahıya təzə qida (qısamüddətli istifadəyə yararlı istehlak məhsulları), qida və spirtsiz içkilər, həmçinin spirtli içkilər və tütün məmulatları daxildir. İndeksin hesablanması zamanı hər kateqoriyaya satış miqdarlarına görə ağırlıq verilir. Nəticədə məhsulların orta illik və aylıq qiymət dəyişikliyi tempini izləmək mümkün olur.

“Veysəloğlu Pərakəndə İndeksi”nə daxil edilən məhsulların qiymətində 2021-ci ilin sentyabr ayında 2020-ci ilin sentyabr ayı ilə müqayisədə 7,7% artım müşahidə edilir. Belə ki, cari ilin sentyabr ayında ötən ilin sentyabr ayı ilə müqayisədə təzə qida məhsullarında (qısa müddətli istifadəyə yararlı istehlak məhsulları) 6,7%, qida və spirtsiz içkilərdə 9,5%, alkoqol və tütün məmulatlarında isə 5,8% artım olub.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox  əməkdaş sayı ilə Azərbaycanın ən iri iş yeri imkanı yaradan qurumlarından biridir.

“Veysəloğlu ilə İlk Addım-3” (“VİA”) təcrübə proqramı çərçivəsində iştirakçılar müxtəlif bizneslərdə təcrübələrini davam etdirirlər. Layihənin əsas məqsədi gənclərin universitetlərdə öyrəndikləri nəzəri bilikləri real iş şəraitində tətbiq etmələrinə imkan yaradaraq müasir əmək bazarının tələblərinə uyğun gənc kadrların yetişdirilməsinə dəstək olmaqdır.

Təcrübəçilər Veysəloğlu Şirkətlər Qrupuna daxil olan “Veysəloğlu” MMC, “ARAZ” supermarketlər şəbəkəsi, “OBA” marketlər şəbəkəsi, “Ulduz” Şokolad Fabriki “Xonça” Şirniyyat Evi və “AVT Logistika” MMC şirkətlərində iş prosesi ilə yaxından tanış olublar.

Gənclər təcrübə zamanı pərakəndə sektorun fəaliyyəti, istehsalatın satış, marketinq və planlama, məhsulun hazırlanmasından müştəriyə çatdırılmasına qədərki prosesi yaxından izləyə biliblər.

5 ay davam edəcək proqram müddətində onlar Şirkətlər Qrupu və Qrupa daxil olan şirkətlərin ofislərində, mağazalarında və sahədə təcrübələrini davam etdirir, texniki və qeyri-texniki bacarıqlarını artıra biləcəkləri təlimlərə cəlb edilirlər. Sonda layihə iştirakçılarına çalışmaq istədikləri strukturu seçmək imkanı verilir.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.

Son 8 ay ərzində 40-a yaxın əməkdaşımız beynəlxalq sertifikat əldə edib. 1500-dən çox əməkdaş isə ümumilikdə 200 saata yaxın fərdi inkişaf təliminə cəlb edilib.

Dünya az qala işıq sürəti ilə dəyişir və inkişaf edir. Bu dəyişikliyə uyğunlaşmaq üçün bilik və bacarıqların daim cilalanmasına, yenilənməsinə ehtiyac var. Odur ki, inkişafına sərmayə yatırılan insanlar müasir trendlər və ən yaxşı təcrübələr haqqında daha məlumatlı olurlar. Əməkdaşlarının inkişafına şərait yaradan şirkətlər isə həm işçi bağlılığını artıra, həm də ən yaxşı istedadları şirkətə cəlb edə bilirlər. Veysəloğlu Şirkətlər Qrupunun Təlim və İnkişaf şöbəsinin müdiri Orxan Məmmədovun əməkdaşların fərdi inkişaf imkanları barədə APA-ya verdiyi müsahibəsini təqdim edirik.

- Orxan bəy, Veysəloğlu Şirkətlər Qrupu 17 mindən çox əməkdaş sayı ilə ölkənin ən iri iş yerlərindən biridir. Maraqlıdır, belə böyük şirkətdə əməkdaşların şəxsi və peşəkar inkişafları üçün hansı proqramlar mövcuddur?

- Daim böyüyən bir şirkət üçün əməkdaşların müasir trendlərlə ayaqlaşması, hətta bəzən bu trendləri yarada bilməsi şərtdir. Biz də bunun fərqindəyik və əməkdaşların inkişafı məsələsinə xüsusi diqqət ayırırıq. Öncəliklə onu qeyd edim ki, komandamıza yeni qoşulan hər bir əməkdaş iş mühitinə tez uyğunlaşmasına və prosesləri mənimsəməsinə dəstək üçün xüsusi olaraq oriyentasiya proqramında iştirak edir. Bundan əlavə, mövcud heyətin bilik və bacarıqlarının artırılması üçün bir sıra təlimlər təşkil olunur. Veysəloğlu Təlim və İnkişaf Mərkəzində demək olar ki, hər gün satış, müştəri məmnuniyyəti, keyfiyyət, əməyin təhlükəsizliyi və digər mövzularda təlim sessiyaları təşkil edilir.

- Qeyd etdiyiniz təlim proqramları şirkətdə çalışan bütün əməkdaşlar üçün nəzərdə tutulubmu?

- Əvvəla onu deyim ki, istisnasız hər bir əməkdaşın təlim büdcəsindən yararlanması üçün daim təbliğat işləri aparır, öyrənməyə meylli əməkdaşlarımızı dəyərləndiririk. Öyrənmək və İnkişaf siyasətimizə əsasən təlimləri iki qrupa ayırmışıq. Mütləq təlimlər və fərdi inkişaf təlimləri. Mütləq təlimlər müəyyən vəzifə sahiblərinin ölkə qanunvericiliyinin, daxili qaydaların, proses və standartların tələbinə əsasən iştirak etməli olduqları təlimlərdir. Nümunə üçün, qeyd edim ki, son 3 ayda 30-dan çox struktur rəhbərinə “əməyin mühafizəsi üzrə əmək qanunvericiliyinin tələbləri”, “elektrik təhlükəsizliyi”, “ilk tibbi yardım”, “fövqəladə hallara hazırlıq və davranış” kimi mövzularda toplamda 20 saatdan çox SƏTƏM istiqamətli mütləq təlimlər təşkil edilmişdir. Məqsəd əməkdaşlarımıza rəhbərlik etdikləri strukturlar üzrə işi təşkil edərkən bütün təhlükəsizlik qaydalarını nəzərə almalarını, işçilərin sağlamlığını və əməyin mühafizəsini diqqətdə saxlamalarını təmin edəcək bilik və bacarıqları ötürməkdir.

Fərdi inkişaf təlimləri isə əməkdaşların mövcud və gələcək karyera hədəflərinə çatmalarına təkan verən səriştələrinin artırılması məqsədi ilə təqdim edilir. Bu təlim kateqoriyası şirkətimizdə çalışan hər kəs üçün əlçatandır və vəzifə dərəcəsindən asılı olmayaraq bütün əməkdaşlarımız bu imkandan yararlana bilərlər. Hər bir əməkdaşımıza illik 1000 ABŞ dollarına qədər fərdi inkişaf təlimlərindən yararlanma imkanı yaradılır. Qeyd edim ki, yalnız bu il daxil olan müraciətlər əsasında 1500-dən çox əməkdaş ümumilikdə 200 saata yaxın fərdi inkişaf təliminə cəlb edilib.

- Şirkət əməkdaşlarına beynəlxalq sertifikatlar almaqda hansı dəstəyi göstərir?

- Beynəlxalq təcrübəni öyrənmək məqsədilə əməkdaşlarımıza çalışdıqları sahələr üzrə tanınmış beynəlxalq institutların təqdim etdiyi sertifikasiya proqramlarını öyrənmələrinə dəstək göstəririk. Qeyd edim ki, yalnız bu il ərzində 40-ya yaxın əməkdaş beynəlxalq sertifikat əldə edib. Bu günə kimi əməkdaşlarımız informasiya texnologiyaları (ITIL, CCNA, Cisco, Microsoft Azure və s.), maliyyə (ACCA), insan resursları (SHRM) və digər sahələr üzrə tanınmış beynəlxalq sertifikat imtahanlarından uğurla keçiblər.

- Bu biliklər əməkdaşlara yerli və qlobal bazarda fəaliyyət üçün hansı imkanları təqdim edir?

- Öyrənmək dedikdə yalnız formal təlimləri nəzərdə tutmuruq. Əslində təlimdə öyrənilən bilik və bacarıqların aktiv qalmasının effektiv metodlardan biri əməkdaşların rəhbərləri və mentorları ilə birgə çalışmaq, öyrəniləni tətbiq etməkdir. Bu gün Veysəloğlu Şirkətlər Qrupunda həm yerli, həm də beynəlxalq təcrübəyə malik peşəkarlar çalışmaqdadır. Bu isə bütün əməkdaşların dolayısı ilə fərdi olaraq inkişafına təkan verir, həm də şirkət daxilində karyera imkanlarını genişləndirir.

Korporativ sosial məsuliyyət strategiyasına uyğun olaraq, təhsilə dəstək əsas prioritet istiqamətlərimizdəndir. Belə ki, Veysəloğlu Şirkətlər Qrupu 2018/2019 və 2019/2020-ci təhsil ilində “Gələcəyini Qur!” Gəncliyə Dəstək Layihəsi çərçivəsində Bakı və regionlarda yaşayan və ali məktəblərdə təhsil almaq arzusunda olan 44 gəncin biliklərinin artırılmasına və yüksək təhsil əldə etmələrinə imkan yaradıb.

Qeyd edək ki, ali təhsil müəssisələrinə qəbul imtahanlarında Veysəloğlu Şirkətlər Qrupunun dəstəklədiyi şagirdlər yüksək nəticələr göstərərək tələbə adını qazanıblar və hazırda Bakı Mühəndislik Universiteti, Milli Aviasiya Akademiyası, Azərbaycan Dövlət Neft və Sənaye Universiteti, Bakı Dövlət Universiteti, Azərbaycan Tibb Universiteti və Azərbaycan Texniki Universitetinin tələbələridirlər.

Şirkətlər Qrupu korporativ sosial məsuliyyət (KSM) fəaliyyəti çərçivəsində həmçinin idman, xeyriyyəçilik və vətənsevərlik sahələrdə əhəmiyyətli layihələr həyata keçirir.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdan satış/distribusiya, pərakəndə, istehsalat və logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.

Müştərilərimizin ən çox satın aldığı 4317 adda məhsulu nəzərə alaraq hazırladığımız aylıq pərakəndə satış indeksini növbəti ayın 6-cı iş günü ictimaiyyət və maliyyə qurumları ilə paylaşırıq. Bu siyahıya təzə qida (qısamüddətli istifadəyə yararlı istehlak məhsulları), qida və spirtsiz içkilər, həmçinin spirtli içkilər və tütün məmulatları daxildir. İndeksin hesablanması zamanı hər kateqoriyaya satış miqdarlarına görə ağırlıq verilir. Nəticədə məhsulların orta illik və aylıq qiymət dəyişikliyi tempini izləmək mümkün olur.

“Veysəloğlu Pərakəndə İndeksi”nə daxil edilən məhsulların qiymətində 2021-ci ilin avqust ayında 2020-ci ilin avqust ayı ilə müqayisədə 6,1% artım müşahidə edilir. Belə ki, cari ilin avqust ayında ötən ilin avqust ayı ilə müqayisədə təzə qida məhsullarında (qısa müddətli istifadəyə yararlı istehlak məhsulları) 4,0%, qida və spirtsiz içkilərdə 8,5%, alkoqol və tütün məmulatlarında isə 5,6% artım olub.

Veysəloğlu Şirkətlər Qrupunun missiyası cəmiyyəti təmiz, sağlam, münasib qiymət və keyfiyyətə gündəlik istehlak malları ilə təmin etməkdir. Təqdim olunan pərakəndə satış indeksi göstəricilərinə əsasən aydın olur ki, Şirkətlər Qrupu bazarda münasib və maksimum sabit qiymət siyasəti aparmaqla öz missiyasına xidmət edir.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox  əməkdaş sayı ilə Azərbaycanın ən iri iş yeri imkanı yaradan qurumlarından biridir.

"Tarladan rəfə" prinsipinə sadiq qalaraq əhalinin yerli və təbii məhsullarla təminatını davam etdiririk.
Belə ki, 2021-ci ilin may ayından etibarən fəaliyyətə başlayan Meyvə-Tərəvəz satınalma şirkətimiz kənd təsərrüfatı məhsullarının birbaşa fermerdən alışını həyata keçirir. Şirkətin hədəfi əhalinin uyğun qiymətə və təbii məhsullarla təmin edilməsi, həmçinin ölkənin əkinçilik potensialının tam olaraq üzə çıxarılması və kiçik və orta təsərrüfat subyektlərinə dəstək olmaqdır.

İlkin mərhələdə Şəki-Zaqatala, Gəncə-Qazax, Aran iqtisadi rayonlarında fəaliyyət başlanılıb. Belə ki, artıq Veysəloğlu Şirkətlər Qrupuna aid supermarket və marketlərin soğan ehtiyacının 98%-i (təqribən 1 400 ton), kartofun 95%-i (təqribən 2 000 ton) və kökün 100%-i (200 ton) birbaşa fermer təsərrüfatlarından alınaraq ödənilir.

Veysəloğlu Şirkətlər Qrupu hazırda 62 aktiv kənd təsərrüfatı subyektindən məhsul alışları həyata keçirir. Qeyd edək ki, regionlar üzrə ümumilikdə 170-dən çox əkin sahəsində fermerlərlə əməkdaşlıq imkanları müzakirə edilib, həmçinin növbəti mövsüm üçün razılıq əldə olunub.

Son 3 ayda təqribən 1.5 milyon manat (5 000 ton) dəyəri olan meyvə-tərəvəz çeşidlərinin birbaşa təsərrüfat subyektləri üzərindən alışları baş tutub. Xüsusi ilə bildirək ki, soğan, kök, kartof, sarımsaq, şaftalı, gavalı, alma, armud və gilas növləri üzrə məhsulların birbaşa kəndlidən alışı həyata keçirildiyi üçün istehlakçılar qiymət və yerli dad meyarı üzrə bu fərqi anlaya bilərlər.

Onu da bildirək ki, Şirkətlər Qrupu logistik əməliyyatların səmərəli və effektiv təşkili üçün ilkin mərhələdə kartof və soğan məhsullarının qəbulu, saxlanılması və çatdırılması məqsədi ilə Mingəçevir və Salyan rayonlarda yerli saxlama məntəqələrini istifadəyə verib.

Öz məhsullarının Veysəloğlu Şirkətlər Qrupuna daxil olan "Araz" supermarket və "Oba" marketlər şəbəkəsində birbaşa satılmasını istəyən fermerlər +994 55 900 67 74 əlaqə nömrəsinə müraciət edə bilərlər.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdan satış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.

Təhsil müəssisələri ilə əməkdaşlıq çərçivəsini genişləndirərək Sənaye və İnnovasiyalar üzrə Bakı Dövlət Peşə Təhsil Mərkəzi ilə Anlaşma Memorandumu imzaladıq.

Əməkdaşlıq çərçivəsində tərəflər təcrübə mübadiləsi edəcək, əmək bazarında ciddi zərurət olan peşə və yüksək peşə hazırlıqlı kadrların yetişdirilməsi və işlə təmin olunması istiqamətində birgə fəaliyyət göstərəcəklər.

Memoranduma görə, razılaşdırılmış istiqamətlər üzrə peşə və yüksək peşə təhsili alanların istehsalat təcrübə proqramlarında iştirakının təmin edilməsi, Şirkətlər Qrupunda texniki peşə sahiblərinin ixtisaslarının artırılması və əməkdaşların bilik və bacarıqlarının qiymətləndirilməsi istiqamətində işlər görüləcək.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdan satış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.

Sponsor olduğumuz 16 yaşlı şahmatçı Aydın Süleymanlı Beynəxalq Şahmat Federasiyası (FIDE) tərəfindən qrossmeyster kimi təsdiq edilib. Bununla da şahmatçımız Azərbaycanın 27-ci qrossmeysteri kimi adını idman tarixinə yazmağı bacarıb.

Aydın Süleymanlı Avropa və Dünya çempionatlarında, yeniyetmələr arasında keçirilən şahmat olimpiadalarında dəfələrlə qızıl medal qazanıb. Yeniyetmə şahmatçımız Rusiyada keçirilən “Aeroflot Open” turnirinin qalibi olaraq 1-ci yerə layiq görülüb, “İlin ən yaxşı gənc şahmatçısı” seçilib. Həmçinin Hindistanda 14 yaşadək şahmatçılar arasında keçirilən oyunda dünya çempionu olub, beynəlxalq dərəcəli şahmatçı normasını 4 dəfə yerinə yetirib.

On ildən artıqdır ki, korporativ sosial məsuliyyət strategiyasına uyğun olaraq yüksək intellekt tələb edən şahmat idman növündə gənc idmançıların karyerasına dəstək göstərən Veysəloğlu Şirkətlər Qrupu şahmatçımızı növbəti uğuru münasibətilə ürəkdən təbrik edir, yeni qalibiyyətlər arzulayır!

Müşahidə Şurasının sədri Aydın Talıbov Meksika Birləşmiş Ştatlarının Azərbaycandakı səfiri Xuan Rodrigo Labardini və səfir müavini Alberto Aura Gonzales ilə görüşüb. Görüşdə Meksikadan tropik meyvələrin idxalı, həmçinin Meksika mətbəxinə məxsus hazır qida məhsullarının alışına dair əməkdaşlıq imkanları müzakirə olunub.

Səfirlik rəsmiləri Azərbaycan ilə Meksika arasında iqtisadi-ticari münasibətlərin ümumi panoramı və inkişaf mərhələlərini təqdim ediblər. Bildirilib ki, son beş ildə hər iki ölkə arasında iqtisadi əlaqələrin həcmi iyirmi dəfədən çox artıb, əməkdaşlığın müstəvisi genişlənib.

Tərəflər gələcəkdə ticari əlaqələrin möhkəmləndirilməsində atılacaq qarşılıqlı strateji addımlar barədə fikir mübadiləsi aparıblar.

“Ulduz” Şokolad Fabriki qida təhlükəsizliyi baxımından qlobal standartlara cavab verən “BRC” sertifikatını qazanmaqla respublikamızda ilkə imza atıb. Böyük qürur hissi ilə bildiririk ki, fabrikimiz “A” dərəcəli sertifikata layiq görülüb.

Dünyanın ən çətin yoxlama sistemi olan BRC-nin ən yüksək dərəcəli “A” sertifikatını almaq üçün istənilən istehsalat müəssisəsi üç şərtə cavab verməlidir: qida təhlükəsizliyi, məhsulların yüksək keyfiyyəti və müəssisədəki bütün prosedurların Avropa Birliyi standartlarına uyğunluğu.

Beynəlxalq Qida Təhlükəsizliyini əhatə edən bu sertifikatın verdiyi üstünlüklərdən biri də odur ki, fabrikin xaricdəki partnyorlar və müştərilər arasındakı güvən və qida təhlükəsizliyi üzrə etibarını təmin edərək, ixracatı təşviq edir.

27 ildir ki, hər bayramı xalqımız ilə birgə qeyd etməkdən qürur duyuruq. Bərəkət paylaşdıqca çoxalar. Dözümlülük, sevgi, hörmət, birlik və həmrəylik kimi vacib dəyərləri bölüşdüyümüz müqəddəs Ramazan və Qurban bayramları münasibəti ilə ənənəmizə sadiq qalaraq, 2021-ci ildə də Bakı, Sumqayıt şəhərləri və regionlarda yaşayan əhalinin həssas qruplarından olan nümayəndələrini, 170-dən çox Qarabağ qazisi, şəhid ailəsi və aztəminatlı ailəni ziyarət etdik, onlara bayram sovqatı təqdim edərək bayram sevinci yaşatdıq.

Veysəloğlu Şirkətlər Qrupu olaraq, yardımsevərliyin ümumi ictimai rifaha və cəmiyyətin bir-birinə mənəvi bağlılığının formalaşmasına müsbət təsir edəcəyinə inanır və bu məqsədlə korporativ sosial məsuliyyət layihəsi çərçivəsində əhəmiyyət kəsb edən addımlar atmağa davam edirik.

Azərbaycanda Milli Mətbuatın yaradılmasının 146-cı ili ərəfəsində media nümayəndələrinin iştirakı ilə “Rəqəmsal dünyada medianın rolu” mövzusunda seminar təşkil etdik.

Türkiyədən dəvət edilən tanınmış ekspert və jurnalist Rahim AK və yeni texnologiyaların mediada tətbiqi üzrə ekspert Fərid Pərdəşünasın iştirakı ilə baş tutan seminarda rəqəmsallaşan dünyada medianın rolu, koronavirus pandemiyası şəraitində informasiya ilə işləmək, ənənəvi və rəqəmsal medianın xüsusiyyətləri müzakirə edildi.

Tədbirdə Veysəloğlu Şirkətlər Qrupunun Müşahidə Şurasının sədri Aydın Talıbov, Şirkətlər Qrupunun nümayəndələri və Həsən bəy Zərdabi irsinin davamçısı, iqtisadçı alim Nüsrət Məlikov iştirak edirdilər.

Qonaqları salamlayan Müşahidə Şurasının sədri Aydın Talıbov media nümayəndələrini qarşıdan gələn peşə bayramları münasibəti ilə təbrik etdi. O, həmçinin Veysəloğlu Şirkətlər Qrupunun ölkə iqtisadiyyatının inkişafında, yeni iş yerlərinin açılmasında, yerli istehsalçıların və fermerlərin dəstəklənməsində rolu və gələcək planlar barədə məlumat verdi.

Tədbirdə həmçinin “Veysəloğlu Pərakəndə İndeksi” layihəsi təqdim olundu. Belə ki, Veysəloğlu Şirkətlər Qrupuna aid pərakəndə satış şirkətlərinin 2019, 2020 və 2021-ci illərin ilk altı ayını əhatə edən ərzaq məhsulları, içkilər və tütün məmulatları üzrə satış qiymətləri indeksi media nümayəndələrinin diqqətinə çatdırıldı.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdan satış/distribusiya (“Veysəloğlu” MMC), pərakəndə (“Araz” supermarketlər şəbəkəsi, “OBA” marketlər şəbəkəsi), istehsalat (“Ulduz” şokolad fabriki), logistika (“AVT” Logistics) kimi sahələrdə fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir. Şirkətlər Qrupu günlük olaraq 533 minə yaxın müştəriyə xidmət edir.

Aylıq təqdim edilməsi nəzərdə tutulan “Veysəloğlu Pərakəndə İndeksi” ərzaq məhsullarının alt kateqoriyalar üzrə də qiymət dəyişikliklərini izləməyə və əhaliyə ailə büdcəsini sistemli şəkildə idarə etməyə imkan yaradacaq.

İndeks göstəricilərinə Veysəloğlu Şirkətlər Qrupunda istehlak məqsədi ilə məhsul alan bütün müştərilərin ən çox aldığı məhsullar daxil edilib.

Veysəloğlu Şirkətlər Qrupunun missiyası cəmiyyəti təmiz, sağlam, münasib qiymət və keyfiyyətə gündəlik istehlak malları ilə təmin etməkdir. Təqdim olunan pərakəndə satış indeksi göstəricilərinə əsasən aydın olur ki, Şirkətlər Qrupu bazarda münasib və maksimum sabit qiymət siyasəti aparmaqla öz missiyasına xidmət edir.

İndeksə satış həcminə görə 2018-ci ilin yanvar ayından etibarən hər ay satışı olan 4317 məhsul daxil edilir. Bu siyahıya qısa müddətli istifadəyə yararlı istehlak məhsulları (təzə qida), qida, spirtli və spirtsiz içkilər, həmçinin tütün məmulatları daxildir. İndeksin hesablanması zamanı satış miqdarlarına görə hər kateqoriyaya ağırlıq veririlir. Nəticədə müştərilərin orta illik və aylıq qiymət dəyişikliyi tempini izləmək mümkün olur.

“Veysəloğlu Pərakəndə İndeksi”də qeyd edilən məhsulların qiymətində 2021-ci ilin may ayında 2020-ci ilin may ayı ilə müqayisədə 4.1% artım müşahidə edilir.

İndeksin alt kateqoriyalar üzrə qiymət dəyişikliklərinə gəldikdə isə 2021-ci il mayın ayında 2020-ci ilin may ayı ilə müqayisədə təzə qida məhsullarında 0,3% artım, qida və spirtsiz içkilərdə 6,9% artım, alkoqol və tütün məmulatlarında isə 7,8% artım olub.

Şirkətlər Qrupu qeyd edilən məlumatları ictimaiyyətlə açıq paylaşmaqla müştərilərinə öz istehlak səbətlərini planlayan zaman dəstək olmağı hədəfləyir.

‘Veysəloğlu Pərakəndə İndeksi” məlumatlarının hər ay yenilənərək ictimaiyyətə təqdim olunması nəzərdə tutulur.

Gənc kadrların yetişdirilməsinə dəstəyi davam etdiririk. Bu istiqamətdə icra etdiyimiz “Veysəloğlu ilə İlk Addım” (VİA) təcrübə proqramının növbəti buraxılışına start verilib.

Bu il üçüncüsü həyata keçirilən proqram çərçivəsində Azərbaycanın universitetlərində təhsilini yeni tamamlamış istedadlı gənclər sınaqlardan keçdikdən sonra Veysəloğlu Şirkətlər Qrupunda VİA proqramında iştirak imkanı qazanıblar.

Layihənin əsas məqsədi gənclərin universitetlərdə öyrəndikləri nəzəri bilikləri real iş şəraitində tətbiq etmələrinə imkan yaradaraq müasir əmək bazarının tələblərinə uyğun gənc kadrların yetişdirilməsinə dəstək olmaqdır.

5 ay davam edəcək təcrübə proqramı müddətində iştirakçılar şirkətlər qrupu və qrupa daxil olan bizneslərin bütün strukturlarında təcrübə qazanacaq, iş prosesi ilə yaxından tanış olacaq, texniki və qeyri-texniki bacarıqlarını artıra biləcəkləri təlimlərə cəlb ediləcək və peşəkarlar onlara biznesin xüsusiyyətləri ilə bağlı “nau-hau” ötürəcəklər.

Sonda layihə iştirakçılarına əldə etdikləri məlumatlar işığında karyera seçimi imkanı verilir.26 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdan satış/distribusiya (“Veysəloğlu” MMC), pərakəndə (“Araz” supermarketlər şəbəkəsi, “OBA” marketlər şəbəkəsi), istehsalat (“Ulduz” şokolad fabriki), logistika (“AVT” Logistics) kimi sahələrdə fəaliyyət göstərir. Hazırda qrupda 17 mindən çox əməkdaş çalışır.

“Tarladan süfrəyə” prinsipini əsas alaraq əhalinin etibarlı ərzaq təminatı və qida məhsullarından səmərəli istifadəsini dəstəkləyən təşəbbüsləri davam etdiririk.

Veysəloğu Şirkətlər Qrupu pərakəndə şirkətləri üçün meyvə-tərəvəzin birbaşa fermerdən alışını həyata keçirəcək Meyvə-Tərəvəz satınalma şirkəti təsis edib.

Şirkətin icraçı direktoru Emil Qarayev bildirib ki, müəssisənin yaradılmasında əsas məqsəd meyvə-tərəvəz məhsullarının birbaşa kənd təsərrüfatı subyektlərindən alışını təmin etmək və məhsulları tarladan “soyuq zəncir” standartlarını tətbiq etməklə keyfiyyətli və daha münasib qiymətə istehlakçılara çatdırmaqdır:

“Ölkəmizin iqtisadi rayonlarında bütün təsərrüfat sahələri üzrə məhsul dəyərləndirilməsi edərək kiçik kənd təsərrüfatı subyektlərinin iri həcmli məhsul təchizatçısına çevrilməsinə dəstək olmağı əsas götürmüşük. Məqsədimiz “Tarladan süfrəyə” prinsipi ilə tədarük zəncirini yaratmaq və məhsulların çatdırılma müddətini qısaldaraq rəflərə çıxarmaqdır”.

Bu təşəbbüs sayəsində yerli kənd təsərrüfatı subyektləri öz məhsullarını daha geniş satış şəbəkəsinə birbaşa təqdimetmə fürsəti əldə edəcəklər, həm də təbii, keyfiyyətli və münasib qiymətli məhsullar müştərilər üçün daha əlçatan olacaq.

Fermerlər öz məhsullarını təqdim etmək üçün şirkətin satınalma ofisinin +994559006774 nömrəsi ilə əlaqə saxlaya bilərlər.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu aşağıdakı sahələrdə fəaliyyət göstərir: Topdan satış/distribusiya, pərakəndə, istehsalat, logistika.

Chess.az saytının “Facebook” səhifəsində “İlin Şahmatçısı” nominasiyası üzrə səsvermə keçirilib. Səsvermədə şahmatçılar və bu idman növü ilə maraqlanan izləyicilər iştirak ediblər. Daha çox səs toplayan beynəlxalq dərəcəli qrossmeysterlərimiz Teymur Rəcəbov və Şəhriyar Məmmədyarov “İlin Şahmatçısı” nominasiyası üzrə qalib olublar.

Səsvermədə 2013-cü ildən sponsorluq edərək dəstəklədiyimiz 15 yaşlı şahmatçı Aydın Süleymanlı isə “İlin ən yaxşı gənc Şahmatçısı” seçilib. Qeyd edək ki, Aydın Süleymanlı 2014-cü ildə blits və rapid növü üzrə keçirilmiş Avropa çempionatında bütün rəqiblərini üstələyərək həm blits, həm də rapiddə 10 yaşlı oğlanlar arasında birinci olub. O, 2017-ci ildə isə Rumıniyanın Mamaya şəhərində 12 yaşlı oğlanlar arasında Avropa çempionu, 2019-cu ildə isə Hindistanın Mumbay şəhərində dünya çempionu adını qazanıb. A.Süleymanlı 2019-cu ilin noyabrında Azərbaycanın gənclərdən ibarət şahmat üzrə yığma komandasının heyətində Türkiyənin Çorum şəhərində keçirilmiş 16 yaşadək şahmatçılar arasında Dünya Şahmat Olimpiadasının, ötən il isə Moskvada “Aeroflot open” beynəlxalq şahmat festivalında A turnirinin qalibi olub.

Xatırladaq ki, Veysəloğlu Şirkətlər Qrupu idmanla yanaşı, korporativ sosial məsuliyyət (KSM) layihələri çərçivəsində şəhid ailələrinə, Qarabağ müharibəsi veteranları və əlillərinə, həmçinin təhsil sahəsində dəstək xarakterli fəaliyyətini də davam etdirir.

Səfərbərlik və Hərbi Xidmətə Çağırış üzrə Dövlət Xidməti tərəfindən hərbi toplanışlara və Qarabağ uğrunda İkinci Vətən müharibəsinin başlanması səbəbindən Azərbaycanda qismən səfərbərlik elan edilməsi ilə əlaqədar olaraq, ehtiyatda olan hərbi vəzifəlilərin çağırışına əməkdaşlarımız da dərhal cavab reaksiyası verib.

637 əməkdaşımız döyüş bölgələrinə yollanıb. Onlardan 12 nəfəri torpaqlarımızın azad olunması uğrunda gedən döyüşlərdə şəhid olub, 1 nəfər itkin düşüb. Hərbi əməliyyatlar zamanı yaralanan 24 nəfər əməkdaşın isə tibb müəssisələrində müalicələri davam etdirilir. Qeyd edək ki, rəhbərliyin qərarına görə, özəl klinikalarla mövcud müqavilə əsasında Şirkətlər Qrupunun Qarabağ döyüşlərində iştirak edərək xəsarət almış və müalicəyə ehtiyacı olan əməkdaşlarına, həmçinin onların ailə üzvlərinə hərtərəfli tibbi xidmət göstərilir. Onlar üçün xidmət tamamilə ödənişsiz, Şirkətlər Qrupunun hesabına həyata keçirilir. Onu da əlavə edək ki, Veysəloğlu Şirkətləri Qrupu qanunvericiliyə müvafiq olaraq hərbi mükəlləfiyyətlə bağlı vəzifələrin yerinə yetirilməsi üçün çağırılan əməkdaşlarımızın iş yeri, vəzifəsi saxlanılmaqla onlara orta əmək haqqının ödənilməsini təmin edir.

Xatırladaq ki, Veysəloğlu Şirkətlər Qrupu korporativ sosial məsuliyyət (KSM) layihələri çərçivəsində ölkə üzrə şəhid ailələrinə, Qarabağ müharibəsi veteranlarına və əlillərinə dəstək məqsədilə həyata keçirdiyi çoxsaylı layihələrinin icrasını da davam etdirir.

Hazırda rəşadətli Azərbaycan Ordusu torpaqlarımızın işğaldan azad olunması uğrunda döyüşlərdə düşməni ağır məğlubiyyətə uğratmaqda davam edir. Lakin Ermənistan silahlı bölmələrinin davam edən təxribatları, mülki obyektlərə raket və artilleriya zərbələri nəticəsində cəbhə xəttində yerləşən rayon və kəndlərimiz, mülki əhalimiz ciddi zərər görür.
Bunu nəzərə alaraq, ordumuzla yanaşı cəbhə xəttində zərər çəkmiş mülki əhaliyə də dəstəyi davam etdiririk. Bu dəfə Şirkətlər Qrupu Azərbaycan Sahibkarlar Konfederasiyasının (ASK) koordinatorluğu ilə Ağcabədi və Bərdə rayonlarında təmas xəttində yaşayan əhaliyə ərzaq və qeyri-ərzaq məhsulları ilə yardım edib. Yardımın əhaliyə mərkəzləşdirilmiş və sistemli şəkildə çatdırılması məqsədilə məhsullar adıçəkilən rayonların yerli icra hakimiyyəti orqanlarına təhvil verilib. Veysəloğlu Şirkətlər Qrupu bir daha bəyan edir ki, bundan sonra da xalqımıza, ordumuza dəstəyini davam etdirəcək.

Qeyd edək ki, Şirkətlər Qrupu tərəfindən ordumuza dəstək çərçivəsində Silahlı Qüvvələrə Yardım Fonduna 1 milyon AZN vəsait köçürülüb. Bundan əlavə, qrupa daxil olan şirkətlər tərəfindən müdafiə xarakterli obyektlərin möhkəmləndirilməsi və digər məqsədlər üçün yüzlərlə avtomobil şinləri, taxta paletlər, eyni zamanda hərbi səfərbərlik şəraitində istifadə edilməsi üçün onlarla nəqliyyat vasitəsi hərbi hissələrə və müvafiq dövlət strukturlarına təhvil verilib. Xatırladaq ki, Veysəloğlu Şirkətlər Qrupu korporativ sosial məsuliyyət layihələri çərçivəsində şəhid ailələri, Qarabağ qaziləri və əlillərinə də mütəmadi olaraq maddi-mənəvi dəstəyini davam etdirir.

Aztəminatlı ailələrdən olan gənclərin təhsil almalarına dəstək üçün həyata keçirilən “Gələcəyini Qur!” Gəncliyə Dəstək Layihəsində iştirakı davam etdiririk. Layihə çərçivəsində artıq ikinci ildir ki, Bakı və regionlarda yaşayan yüksək intellektual qabiliyyətli və ali məktəblərdə təhsil almaq arzusunda olan gənclərin biliklərinin artırılmasına və ali təhsilə yiyələnməsinə imkan yaradılır.

Veysəloğlu Şirkətlər Qrupu 2019/2020-ci tədris ilində Hacıqabul və Yevlax rayonlarında imkansız ailələrdən olan 24 gəncin təhsil almasına maddi dəstək göstərib. İyul-avqust aylarında ali məktəblərə qəbul üzrə keçirilən imtahanlarda gənclərdən 19-u yüksək nəticə göstərərək birbaşa ali təhsil müəssisələrinə qəbul olub. Digər gənclər isə tam (11 illik) orta təhsil bazasında kolleclərə qəbul üçün keçirilən müsabiqədə iştirak edib. Onlardan 3-ü müsbət nəticə göstərərək müxtəlif kolleclərə qəbul olunub. Bununla da bu il Veysəloğlu Şirkətlər Qrupunun dəstəklədiyi gənclərdən tələbə adı qazananların sayı 22-yə çatıb.

Qeyd edək ki, Veysəloğlu Şirkətlər Qrupu 2018/2019-cu tədris ilindən bu təşəbbüsə qoşulub. Həmin tədris ilində ali təhsil müəssisələrinə qəbul imtahanlarında Şirkətlər Qrupunun dəstəklədiyi 20 şagirdin hamısı yüksək nəticələr göstərərək tələbə adını qazanıb və hazırda müxtəlif universitetlərdə dövlət sifarişli (ödənişsiz) əsaslarla təhsil alır. Şirkətlər Qrupu indiyə qədər 44 gəncin təhsil almasına ümumilikdə 90 min AZN-ə qədər vəsait xərcləyib. Xatırladaq ki, “Gələcəyini Qur!” layihəsinin əsas məqsədi aztəminatlı ailələrdən olan yüksək bilik və bacarığa malik gənclərin həyatda uğur əldə etmələrinə dəstək və töhfə vermək, bununla da Azərbaycan cəmiyyətinə savadlı və sağlam düşüncəli gənclər qazandırmaqdır. Layihə çərçivəsində ali məktəblərə hazırlıqla yanaşı, gənclərə psixoloji dəstək göstərilir, onların hərtərəfli inkişafına yönəlmiş müxtəlif tədbirlər həyata keçirilir.